Тбилисы демонстраци цæуы. Райдианы демонстрацийы хайадисджытæ Тбилисы паддзахадон университеты цур æрæмбырд сты, æмæ ацы рæстæгмæ Руставелийы проспектыл закъондæттæн органы æрдæм марш кæнынц.

Демонстрацийы лозунг у «Нæ Уæрæсейы режимæн», «Хъахъхъæнут æнæвизæйон змæлд». Демонстрацийы хайадисджыты къухты ис банертæ æндæр æмæ æндæр мидисимæ, афтæ дæр Гуырдзыстоны æмæ Евроцæдисы тырысатæ.

Протесты хайадисджытæ афтæдæр æрцыдысты Каха Къаладзейы æвзарæнон штабмæ Меликишвилийы проспектмæ. Уыдонæй хъуыстис алыхуызон хъæртæ.

Демонстрацийыл сты оппозицион партиты минæвæрттæ, се æхсæн уыцы оппозицион партитæ, кæцытæ 4 октябры æвзæрстыты бойкот кæнынц.