Тбилисы горæтон тæрхондоны цæуы Уæрæсейы æмбæстæгтæ Анастасия Зиновкина æмæ Артем Грибулийы процесс, кæцыты аххосджын кæнынц уæлдай стыр бæрц наркотикты балхæды æмæ æвæрды.

Процесс райдыдта хъæрæй. Эскорт-службæйы уынаффæмæ гæсгæ, æдасдзинады аххосæгтæм гæсгæ, азымгонд лæг æмæ усы æрæвæрдтой хицæн рæтты, кæцы расайдта сæ протестмæ.

Азымджынтæ фыдракæндыл нæ нымайынц æмæ сæ ахст Тбилисы фæстаг рæстæджы уагъдцæуæг протестон акциты хайадистимæ баст кæнынц.

Анастасия Зиновкина æмæ Грибул Артем Тбилисы криминалон полицийы кусджытæ 2024 азы 17 декабры æрцахстой.

Прокуратурæйы бæрæггæнæнтæм гæсгæ, сæ цæрæнуат æмæ хисæрмагонд дзаумæтты басгæрсты рæстæджы ист æрцыд 16 граммы препарат “Альфа Пе Ве Пе”. Лæг æмæ ус Тбилисы 2024 азы сæрды фæстæ цæрынц.

Цы статьяйæ сæ азымджын кæнынц, уым ис 20 азы онг ахæстоны фæбадын, кæнæ та цæрæнбонтæм ахæстоны фæбадын.

Хъахъхъæнджыты информацимæ гæсгæ, Анастасия Зинёвкина 2012-æм азæй фæстæмæ Уæрæсейы антихицауадон протестты активон хайад исы æмæ Уæрæсейы Федерацийы бæрнонты ‘рдыгæй æфхæрд цыд, Грибул Артем та куыста IT фадыджы.