Гуырдзыстонæн ис шанс баиу уа европæйаг бæстæтимæ æмæ амбициозон нысан сæвæра – 2040 азмæ тамакойы фæлхас кæныны æмвæзад фæкъаддæр уа фондз процентæй дæлдæр – уый фæдыл «Тамакойы контролы альянсы» информацийы ис фыст.

Расидæны ис фыст, цæмæй 2017-æм азы майы райсгæ æмæ 2018-æм азы фыццаг майæ æххæстгонд закон нысаниуæгджынæй фæивта Гуырдзыстоны. Æхгæд æхсæнадон бынæттæ тамакойы фæздæгæй сæрибар сты. Куыд æнхъæл уыдыстæм, афтæмæй ивддзинад æвдыст æрцыд низты статистикæйы. Закъон йæ тыхы куы бацыд, уæдæй фыццаг азты миокарды инфаркты цаутæ фæкъаддæр сты 15-18%, инсульты бæрæггæнæнтæ та 12%.

«Гуырдзыстонæн ис гæнæн баиу уа европæйаг бæстæтимæ æмæ сæвæра амбициозон нысан: 2040-æм азмæ тамакойы фæлхас кæныны æмвæзад фæкъаддæр уа фондз процентæй дæлдæр. Уый тыххæй хъæуы:

1. Электрон сигаретæтæ æмæ никотин кæм ис, ахæм продукттæ рауадзыны, æрбаласыны æмæ уæй кæнын бынтондæр тобæ кæнын; 2. Алы хуызы продуктты ароматизатортæ æмæ æфтауцтыл æвæрын тобæ; 3. Æппæт продукцийы уæй кæныны кар 18 азæй 21 азмæ фæбæрзонддæр кæнын; 4. 2015 азы фæстæ чи райгуырд, уыдонæн æппæт продукттæ уæй кæныныл тобæ; 5. Æппæт продуктты иугайон уæй кæныны лицензи æрбайсын; 6. Тамакойы куыстуаты хæс, цæмæй сын бафида медицинон æмæ профилактикон хæрдзтæ, кæцытæ хъæуынц ацы низимæ тох кæнынæн.

29 мартъи зæрдылдарæн у алы æмбæстагæн дæр — никотиныл бастдзинад æвзæрст нæу, уый у тамакойы индустрийы къæппæг æмæ вазыгджын наркомани. Афон у, цæмæй индустрийы мифтæ баивæм карз политикæйæ, цæмæй фервæзын кæнæм нæ фидæны фæлтæртæ» – ис фыст тамакойы контролы альянсы расидæны.