Тбилисы горæтон тæрхондон Лелойы лидер Мамука Хазарадзейæн аст мæйы ахæстоны фæбадыны тæрхон рахаста, парламентон рæстæгмæ фæдæвзарæн къамисы куырдиат нæ сæххæст кæныны тыххæй. Уымæн ма дыууæ азмæ йæ бынат ахсын нæ уыд.

Уый фæдыл æскъуыддзаг тæрхонгæнæг Звиад Шарадзе цъус рæстæджы расидтис. Байхъуыстмæ Хазарадзе нæ æрбацыд.

Мамука Хазарадзейы хъуыддаг прокуратурæмæ æрвыст æрцыд 25-æм марты, Гуырдзыстоны парламенты «2003-2012 азты режимы æмæ йæ политикон бæрнонты архайды фæдыл рæстæгмæ фæдагуырдон къамисы» рабадтмæ кæй нæ æрбацыд, уый тыххæй. Фыццаг апрелы Мамука Хазарадзейы аххосджын кодтой. Хазарадзейæн профилактикон мадзалæй лæвæрд æрцыд 50 000 ларийы æфсон, кæцы закъонæй снысангонд æмгъуыдмæ бафыста.

Уымæй дарддæр ма, «Лелойы» иуæй-иу лидеры, Бадри Джапаридзейы тæрхон абон рабæрæг уыдзæн. Уымæн ма бафæдзæхстой 50 000 ларийы æфсон бафидын, куыд профилактикон мадзал, кæцы уый дæр бафыста.