Политикон фарстатæ, кæцы баст сты цæугæ поляризациимæ, Саакашвилийы æнæниздзинады уавæры уæззау фон сайныц дсикусситæн. Гуырдзиаг политикты бæрн у, сæрмагондæй та уыдоны, чидæриддæр сты хицауады, цæмæй ацы фарста алыг уа – уый фæдыл европарламентари Свен Миксмер райхъусын кодта.
Уыимæ, Свен Миксер фæныхас кодта 12 пункты сæххсты фарстайы фæдыл. Йæ дзырдæй зæгъгæ, дырыс сбæрæг ис, ома Евроцæдисы уæнгдзинады кандидаты статус баст у 12 пункты сыххæстыл æмæ алы рекомендаци у нысаниуæгджын.
«Европарламенты фылдæртæ разы сты Гуырдзыстоны европаг фидæнимæ, афтæ куыд Гуырдзыстоны цæрджытæ сты бæстæйы евроинтеграцийы фарсдар. Æз уыдзынæн тынг амондджын, нæ бон куы уаид æрмæст ассоциацидзинады бадзырды имплементаци æркæсын, хъыгагæн, æндæр нысаниуæгджын полиикон фарстатыл уынаффæ кæнæм, кæцы баст у цæугæ политикон поляризациимæ, Саакашвилийы æнæниздзинады уавæримæ æмæ ацы темæтæ уæззау фон æвзæрын кæнынц дискусситы агъоммæ. Гуырдзиаг политикты ьæрн у æмæ сæрмагондæй та уыдоны, чидæриддæр сты хицауады, цæмæй ацы фарста алыг уа.
12 пункты сыххæст ытыххæй куы зæгъæм, уæд ацы ранымады уынæм æнтысты æндæр æмæ æндæр æмвæзад. Гуырдзыстон тынг дырыс сбæрæг кодта, цы у Евроцæдисимæ ахастыты æппынфæстаг нысан æмæ уый у ацы организацийы уæнгсуæвын. Ацы нысанмæ баххæссынæн фæндаг рацæуын хъæуы. Этаптæй сæ иу у кандидаты статус райсын. Тынг дырыс сбæрæг ис, цæмæй кандидаты статус баст у 12 пункты сыххæстыл. Алы рекомендаци у нысаниуæгджын. Европарламент, комисси æмæ Европаг Совет сын æнæхъæнæй ссаргъ кæндзысты. Уыдонæй бирæ хай ассоциацигонд у Евроцæдисы фундаментон хæзнатимæ – медиайы сæрибардзинад, хæдбар расттæрхон, коррупцийы ныхмæ тох» – райхъусын кодта Свен Миксер.
Европарламенты абон схъæлæс кæндзысты Евроцæдисы Гуырдзыстоны ассоциацидзинады бадзырд сыххæсты æрвылазон хыгъдлæвæрдæн, кæцыйы æрцæттæ кодта Свен Миксер.