Студентты финансирдзинады программæйы фæлгæтты, 5-æм мартæй Тбилисы мэрийы 1900-йæ фылдæр куырдиат бацыд, кæцытæй 254 куырдиат ныридæгæн сбæлвырд ис, – уый фæдыл сæйраг сахары мэр Каха Къаладзе Тбилисы муниципалитеты хицауады рабадтыл расидтис.

Уый загъта, зæгъгæ, студентты ахуырады финанскæныны программæ ифтонг кæны 2024-2025 ахуыры азы уалдзыгон семестры ахуыры фиддонты финанскæнынад социалон æгъдауæй æнæхъахъхъæд, бирæсывæллонджын бинонты уæнгтæн æмæ инвалид студенттæн.

“Ацы программæмæ ис стыр цымыдисдзинад. Кæй зæгъын æй хъæуы, æрбацæугæ куырдиæтты æркаст дарддæр кæны æмæ сындæггай иууылдæр райгонд уыдзысты. Куырдиæттæ ист цæудзысты 31 маймæ. Уæдæ активон ут, бавдисут куырдиæттæ, æмæ уын муниципалитет ацы здæхты алы æрдгæй баххуыс кæндзæн”, — загъта Тбилисы мэр.

Уымæй дарддæр ма, Каха Къаладзе банысан кодта, цæмæй уæлдæр ахуыргæнæндæтты бавдыст информацийыл бындурæвæрдæй, 442 æнтыстджын магистрант Тбилисы мэрийæ финансон æххуыс райсдзæн, кæцы афтæдæр нысаниуæгджын у фæсивæды фарсылхæцындзинады æрдгæй.