Националон статистикæйы куысты бæрæггæнæнтæм гæсгæ, афæдзы инфляцийы равзæрдыл сæйраг æндæвдад уыд хæлцадон æмæ æнæалкоголон нозты æргъты ивд. Фæфылдæр сты æргътæ 10,3 %, кæцы æрвылазон инфляцийы 3,48 % пунктæй фæбæрæг ис.

Дыргътæ æмæ сæнæфсиры æргътæ фæфылдæр сты 16,9 %. Кæсаг фæфылдæр 15,5 проценты, сой æмæ ссад 14,9 проценты, дзул æмæ дзулфыцæн продукттæ 13,6 проценты. Къафеттæ, цай æмæ какаойы æргътæ фæфылдæр сты 12,0 проценты. Сæкæр, джем æмæ æндæр адджинæгтæ – фæфылдæр сты 11,6 проценты, минералон æмæ суадоны дон, æнæалкоголон нозт æмæ натуралон дæттæ – 8,6 проценты, æхсыр, цыхт æмæ æйчытæ – 8,5 проценты, дзидза æмæ дзидзайы продукттæ – 6,5 проценты, халсартæ æмæ цæхæрадоны продукттæ та – 5,1 проценты.

Æнæниздзинадхъахъхъæнынад: къорды æргътæ фæфылдæр сты 8,0 процентæй, кæцы афæдзон инфляцийы 0,66 процентон пунктæй фæбæрæг ис. Æргътæ фæфылдæр сты амбулаторон медицинон лæггæдты дæлкъордты (9,0 проценты), рынчындоны лæггæдты (9,0 проценты) æмæ медицинон продуктты, кусæнгæрзты æмæ аппаратты (6,6 проценты);

Карз нозт, тамако: къорды æргътæ фæфылдæр сты 4,4 проценты. Уымæ гæсгæ къорды хайбавæрд афæдзы индексмæ уыд 0,28 процентон пункты. Æргътæ фæфылдæр сты куыд тамакойы продукттæн (7,0 проценты), афтæ карз нозтытæн дæр (1,7 проценты), нысангонд цæуы  хыгъдлæвæрды.