14-æм ноябрæй райдыдта æппæтбæстæйон цæрджыты æмæ хъæууон хæдзарадон сфыст, кæцыйы Паддзахадон статистикæйы уагдон аразы алы 10 азы дæргъы.

Бæрæггæнæнтæ æмбырд кæныны процесс адарддæр уыдзæн 19-æм декабрмæ.

«Сфыст уагъд цæудзæн дыууæ этапæй. Фыццаг этапыл, 14-æм ноябрæй 23-æм ноябры онг бæрæггæнæнтæ æмбырд цæудзысты хирегистрацийы методæй (CAWI). Хи регистрацийы рæстæджы респонденттæ хæдбарæй, æнæ интервьюисæгæй, компьютеры, планшеты кæнæ смартфоны фæрцы, стандартон интернет-браузерæй пайда кæнгæйæ, электронон æгъдауæй æххæст кæнынц анкетæтæ сæхи равзæрст рæстæг æмæ бынаты. Ацы метод æнцонвадат у уыцы респонденттæн, кæцыты нæ фæнды интервьюисæджы хæдзармæ бацæуын, кæнæ та сын фаг рæстæг нæй лæгæй-лæгмæ интервью райсынæн.

Электрон анкетæ байдзаг кæныны тыххæй абитуриенттæ хъуамæ сæххæст кæной хуымæтæг регистраци Сакстаты арæзт сæрмагонд веб-платформæйыл, кæцы ис Сакстаты веб-фарсыл. Электрон анкетæ байдзаг кæныны фæстæ респонденттæ райсдзысты сæрмагонд код, кæцыйы хъуамæ равдисой Сакстаты интервьюисæгæн, кæцы сæм æрбацæуы.

Дыккаг этапыл, 29-æм ноябрæй 19-æм декабрмæ, бæрæггæнæнтæ æмбырд кæндзысты Сакстаты 12 000 интервьюисæг, дуарæй-дуармæ, планшетон компьютеры фæрцы.

Цæрджыты сфысты æмрæнхъ ма арæзт æрцæудзæн хъæууонхæдзарадон сфыст дæр. Социалон æмæ демографион бæрæггæнæнтæй уæлдай, сæрмагонд анкетæйы фæрцы æмбырдгонд æрцæудзæн информаци бинонты хъæууонхæдзарадон архайды тыххæй, бинонтæ цы зæххæй пайда кæнынц, уый структурæйы, фос æмæ мæргъты нымæцы тыххæй, афтæ ма æндæр ахсджиаг информаци муниципалитеттæ, территориалон иуæгтæ æмæ хъæутæ. Гуырдзыстоны æппæт æмбæстæгтæ, афтæ дæр Гуырдзыстоны цæрæг фæсарæйнаг бæстæты æппæт æмбæстæгтæ (кæцытæ Гуырдзыстоны 12 мæйæ фылдæр баззайын план кæнынц) æмæ æнæпаддзахадон адæймæгтæ (кæцытæ Гуырдзыстоны 12 мæйæ фылдæр баззайын план кæнынц) хæсджын сты сфыст.

Гуырдзыстоны «Официалон статистикæйы фæдыл» закъоны 34 æмæ 35 статьямæ гæсгæ, индивидуалон бæрæггæнæнтæ конфиденциалон сты æмæ раргом кæнын нæ хъæуы. Респонденты фæдыл индивидуалон бæрæггæнæнтæ æвæрд цæуынц Гуырдзыстоны уæвæг закъондæттынадæй снысангонд уагæй.

Сфысты фæстиуæгæн райсдзысты фæстаг информаци цæрджыты нымæцы, сæ гендерон-карон структурæйы, куысты, ахуыры, æнæниздзинады уавæры, царды фæрæзты æмæ цæрæнуæтты фæдыл. Афтæ дæр хъæууон хæдзарадон компоненты фæрцы æмбырдгонд æрцæудзысты бæрæггæнæнтæ хæдзæртты хъæууон хæдзарадон архайды тыххæй. «Сфысты развæлгъау фæстиуджытæ рапарахат уыдзысты 2025 азы июны, кæронбæттæн бæрæггæнæнтæ та рапарахат уыдзысты 2026 азы июны» – дзырдæуы Сакстаты парахатгонд информацийы.