Гуырдзыстоны алфæмблайы æмæ хъæууон хæдзарады министр Давид Сонгъулашвили Израилы хъæууон хæдзарады æмæ хойраджы æдасдзинады министр Ави Дихтеримæ фембæлд.

Хъæууон хæдзарады министрады информацимæ гæсгæ, дывæрсыг фембæлды сæйраг хъусдард здæхт уыд дыууæ бæстæйы æхсæн хъæууон хæдзарады фадыджы æмкуыстдзинад фæтыхджындæр кæнынмæ. Уымæй уæлдай ма рахастой уынаффæ кусæг къорд саразын, кæцы кусдзæн куыд хъæууон хæдзарады, афтæ базарады дæр. Министрады куыд зæгъынц, афтæмæй ма бакуыст æрцæудзæн æмгуыстады фæдыл меморандум дæр.

Хъæууон хæдзарады министрады информацимæ гæсгæ, фарсытæ сæ хъус æрдардтой хъæууон хæдзарадон продукцийы экспорт æмæ импорты рæзын кæныны нысаниуæгмæ. Банысангонд æрцыд, цæмæй Гуырдзыстонæн йæ бон у Израилы базары конкурентон суа ахæм продукттæй, куыд сæн, мыд æмæ хус дыргътæ, æмæ Израилæй Гуырдзыстонмæ хъуамæ фæфылдæр уа нырыккон хъæууон хæдзарадон технологитæ æмæ ирригацион системæты импорт. Банысан ма æрцыд, базарадон динамикæ фæтыхджындæр кæнын зынгæ ахъаз кæй кæндзæн куыд экономикон рæзтæн, афтæ дыууæ бæстæйы бизнес-секторы æмæ фермерты гæнæнтæ фæуæрæхдæр кæнынæн дæр.