Гуырдзыстоны мидхъуыддæгты министр Гела Геладзе йæхимæ исы Сомихыстоны мидхъуыдтæгты министр Арпине Саргсяны, кæцы делегациимæ иумæ Гуырдзыстоны официалон визитæй ис. Уый фæдыл информаци мидхъуыддæгты министрад парахат кæны.

Министрады информацийæ, дыууæ бæстæйы мидхъуыдтæгты министртæ Гуырдзыстоны мидхъуыдтæгты министрады территорийыл уæвæг хæслæвæрды рæстæджы фæмардуæвæг полицийы кусджыты мемориалмæ венок сæвæрдтой.

Мадзалы хайад райстой Сомихыстоны минæвар Гуырдзыстоны Ашот Смбатян, минæварады минæвæрттæ, делегацийы уæнгтæ, афтæ дæр мидхъуыддæгты министры хæдивæг Александр Дарахвелидзе æмæ министрады æндæр бæрзонд рангы кусджытæ.

Официалон визиты фæлгæтты Арпине Саргсян Гуырдзыстоны премьер-министр Ираклий Къобахидзеимæ фембæлдзæн.

Уымæй дарддæр ма, дыууæ бæстæйы мидхъуыддæгты министртæ сæ къухтæ æрфысдзысты «Гуырдзыстоны хицауад æмæ Сомихыстоны хицауады æхсæн æнæ барлæвæрдæй цæрæг адæймæгты реадмисийы фæдыл бадзырд».

Дыууæбонон балцы рæстæджы ма Сомихыстоны мидхъуыддæгты министр бабæрæг кæндзæн Гуырдзыстоны мидхъуыддæгты министрады æхсæнадон æдасдзинады разамынд дæттыны 112-æм центр, Мидхъуыддæгты министрады академи, патрулон пъæлицæйы хайад, лæггæдты агентад æмæ базонгæ уыдзæн сæ архайдимæ.