Гуырдзыстоны скъолаты фыццагкъласонты регистраци 10-æм мартæй райдайдзæн. Уый фæдыл информаци Гуырдзыстоны ахуырады, зонады æмæ фæсивæды министрад парахат кæны.

2025-æм азæй фæстæмæ 31-æм декабрмæ 6 азы кæуыл сæххæст уа, уыцы сывæллæттæн сæ бон уыдзæн фыццаг къласмæ бацæуын, кæд сæ бафæнда, уæд.

«Фыццаг къласмæ бацæуынæн æнæмæнгхъæугæ документтæ: ахуырдзауы юридикон минæвары расидæн, кæцыйы хъуамæ уа информаци юридикон минæвары цæрæн бынат æмæ телефоны номыр æмæ хъуамæ дзуапп дæтта Гуырдзыстоны Иумæйаг Административон Кодексы 78-æм статьяйы снысангонд æндæр домæнтæн, юридикон минæвары æвдисæндарты къопи æмæ Гуырдзыстоны цæрыны бæлвырдгæнæг документы къопи (кæд ис, уæд). Фæсарæйнаг æвзагыл документтæ бадæттыны цауы, уыдонимæ иумæ хъуамæ уа гуырдзиаг æвзагмæ тæлмац, кæцы æххæстгонд æрцæуа Гуырдзыстоны закъондæттынадæй снысангонд процедурæмæ гæсгæ. Ахуыргæнинаджы райгуырды тыххæй æвдисæндар кæнæ йæхи бæлвырдгæнæн гæххæтты къопи кæнæ Гуырдзыстоны цæрыны бæлвырдгæнæг документы къопи (кæд æмбæлы, уæд). «Фæсарæйнаг æвзагыл документтæ бадæттыны цауы, уыдонимæ иумæ хъуамæ уа тæлмац гуырдзиаг æвзагмæ, кæцы æххæстгонд æрцæуа Гуырдзыстоны закъондæттынадæй снысангонд процедурæмæ гæсгæ» – ис фыст министрады информацийы.

Гуырдзыстоны ахуырады, зонады æмæ фæсивæды министрад ныййарджытæм сиды, лæмбынæгæй æркæсой регистрацийы æмгъуыдтæм æмæ уавæртæм, цæмæй сæ сывæллон рæстæгыл æмæ æнæкъуылымпыйæ скъоламæ бацæуа.