Гуырдзыстоны  парламенты сæрдар  Шалва Папуашвили, делегациимæ иумæ   Румынийы  уæвы.   Папуашвили  куыд райхъусын  кодта афтæмæй,  Румынимæ  визиты нысан у,  Гуырдзыстонæн кандидаты статус  раттыны фарстайыл   коллегæтимæ  ныхас æмæ   сæ фарсхæцын ссарын.

Парламенты  сæрдары дзырдæй,   Румынийæн сæрмагонд роль ис  Гуырдзыстонимæ  ахастыты  цæстæнгасæй.

«Румынийæн сæрмагонд  роль ис  нырыккон    интеграцийы  процессы. Уый сæрмгаондæй йæ арс  хæцы Молдовæйæн æмæ нæ  фæндон у, ац цæстæнгасæй  дæр  уа фылдæр фарсдарын.  Цъус  рæстæг размæ  закъонопроектты æххæст пакеттæ  арвыстам  Венецийы Комиссимæ. Уырнæг дæн, позитивон  аргълæвæрдтæ  нын уыдзæн  æмæ иннæрдгæй  та равдисдзыстæм, цæмæй  нæ хайбавæрд   кæнæм.  Сæйраг у Евроцæдис рæстаг   уынаффæ рахæсса æмæ бæстæ  статус райса.

Бирæ иртасæнмæ гæсгæйæ,  Евроцæдисы иуæй-иу уæнг бæстæйæн æмæ кандидат бæстæйæ  бирæ æрдгæй нæ фæстæ фæуагъдтам.  Кæй  зæгъын æй хъæуы,  уый  у   уыцы реформæты фæстиуæг, кæцы  фæстаг дæс азы  дæргъы сыххæст ис», –   райхъусын кодта   Шалва Папуашвили.

Румынимæ визиты фæлгæтты  плангонд сты  Гуырдзыстоны  парламенты сæрдары  фембæлдтæ  Румынийы  сенаты  президентимæ, депутатты  палатæйы   президенты хæстæ æххæстгæнæгимæ  æмæ  Румынийы парламенты  дыуæдæр палатæйы  комитетты  минæвæрттимæ.

Гуырдзыстоны парламенты  сæрдар  пленарон   сессийыл   сенаты  уæнгты раз дзырдæй  ралæудзæн. Шалва Папуашвили   визиты фæлгæтты   фембæлдзæнис  Румынийы  премьер-министримæ æмæ фæсарæн хъуыддæгты министримæ.