Сабырад ноджы иу хатт ссис  регионалон æмæ дунеон политикæйы алкæмæй бæллиццаг нысанæй, нæ фæсарæйнаг партнертæ ноджы иу хатт хъуамæ скæной дипломати кæрæдзийы æмбарынады, сабырад амады æмæ æмкуыстдзинады алкæмæй нысаниуæгджын фæрæзæй, – уый фæдыл Гуырдзыстоны парламенты сæрдар Шалва Папуашвили социалон хызы фыссы.
Папуашвили куыд банысан кодта афтæмæй, фæстаг рæстæджы дипломатийæ пайда кодтой йæ реалон нысаны ныхмæвæрдæн – проблемæтæ аскуыддзаг кæныны бæсты сæ змæлын кæнынæн.
«Конкретон политиктæн комкоммæ фарсылхæцындзинад равдисын, политикон партиты архайды финанскæнынад, политикон æнæхицауадон организацитæн финансонæй æххуыс кæнын, фысым бæстæйы закъондæттынады фæдыл хъуыдытæ раргом кæнын æмæ закондæттæн процессы хайад райсыны тыххæй претензитæ раргом кæнын, – уый у æнæххæст номхыгъд архайдтытæй, кæцытæ Гуырдзыстоны иуæй-иу фæсарæйнаг мисситæн æмæ дипломаттæн ссис æнæмæнгхъæуæг.
Æнæ бæрндзинадæй бар нæй. Фæсарæйнаг дипломаттæ бынæттон политикты хуызы куы архайынц, уæд хъуамæ цæттæ уой сæ архайдтыты тыххæй бæрн райсынмæ, кæцы сæ кæны критикæйы легитимон нысан. Ахæм критикæ «бырст»-ыл банымайæн нæй. Дипломаттæ хъуамæ ма æмхуызон кæной бынæттон политиктимæ, сæ политикон боны фæтк рафыссынæй æмæ сæ хъусынгæнинæгтæ фæлхат кæнгæйæ. Гуырдзиаг адæм фаг политикон фæлтæрддзинад æрæмбырд кодтой, цæмæй æддагон политикон æнæрастдзинад æмæ хъыгдард куы феной, уæд бамбарой.
Историйы ацы змæст периоды, дипломатийы æмбæлон бынатмæ æрыздахын стыр пайда æрхæсдзæн куыд Гуырдзыстонæн, афтæ дæр нæ фæсарæйнаг партнертæн», – фыссы Папуашвили.