Евроцæдисы раздæры бабырстыты тыххæй Евроцæдисы номæй Гуырдзыстоны тæрхонгæнæгæй хатыр ракуырыны бæсты, Кая Калас, абон гуырдзиаг тæрхонгæнджытыл цъыф калы æмæ сæ æндæр æмæ æндæр æфхæрæн мадзæлттæй тæрсын кæны – уый фæдыл Гуырдзыстоны парламенты сæрдар Шалва Папуашвили расидтис.

Папуашвилийы ныхасмæ гæсгæ, уымæн европæйаг аргъдзинæдтимæ бастдзинад нал ис.

«Гуырдзиаг Бæллиццы» политикон совет цалдæр боны размæ гом фыстæг рапарахат кодта. Мæнмæ гæсгæ уый тынг хорз æмбæлд, абон цы хъусæм, уый нымæцы Евроцæдисы уæлдæр минæварæй дæр. Уый у комкоммæ æвдисæн, цæуыл дзырдтам, уымæн. Хъыгагæн, мах абон хъусæм агрессивон риторикæ, æгадгæнæг, дезинформацион бырстытæ æмæ советон хуызæй тæссагдзинæдтæ Гуырдзыстоны паддзахад æмæ гуырдзиаг адæмы ныхмæ, се æхсæн Евроцæдисы уæлдæр минæвар Кая Каласæй дæр. Уый йæхæдæг абон дыууæ гуырдзиаг тæрхонгæнæгæн санкцитæй тæрсын кодта. Уый у уыцы æнамонд фæндаг, кæцыйыл абон цæуы Брюссель.

Евроцæдисы æмбæстæгтæ ацы хъуыддагмæ хъуамæ æркæсой æмæ ахицæн кæной, цы сæ фæнды. Фæнды сæ, цæмæй сæ Брюсселы ахæм бюрократтæ Советон Цæдисмæ ахæссой, кæцытæ тас кæнынц хæдбар бæстæйы, хæдбар тæрхондоны хæдбар тæрхонгæнджытæн? Уый у худинаг, цы хъусæм, уый. Евроцæдисы минæвар æмбарынгæнæнтæй нæ тыхсы, фæлæ мæнмæ гæсгæ æмбарынгæнæнтæ хъуамæ æрцæуой ныртæккæ. Мах уынæм, æмбырдгæнæн залы цæмæн бадынц алы бæстæты минæвæрттæ. Бадынц уый тыххæй, цæмæй тæрсынгæнæг уавæр саразой тæрхонгæнæгæн, цæмæй ахæм тæссагдзинæдтæ уый фæстæ фехъусой Евроцæдисæй, кæцы сабырадон проектæй арæзт æрцыд æмæ абон пайдагонд цæуы куыд фæрæз гуырдзиаг адæммæ, сæ тæрхондонон системæмæ бабырсты фæрæзæй. Алкæмæн дæр зæрдыл æрлæууын кæндзынæн, зæрдыл æрлæууын кæндзынæн Кайа Каласы дæр, цæмæй ахæм бырстытæ фехъуыстам Михеил Саакашвилийы, Ника Мелиайы æмæ Гварамиайы тæрхоны фæстæ. Кæд абон Калас у, уæд ивгъуыд рæстæджы æндæр бæрнон кусджытæ тæссаг кодтой гуырдзиаг адæмæн, гуырдзиаг паддзахадæн æмæ гуырдзиаг тæрхонгæнджытæн. Алы хатт хъуыддаг цыд Страсбургмæ æмæ рабæрæг ис, цæмæй Евроцæдис рæдыд æмæ гуырдзиаг тæрхонгæнæг та раст. Саакашвилийы хъуыдтагы, Мелиайы хъуыдтагы Евроцæдис фæрæдыд æмæ гуырдзиаг тæрхонгæнæг та раст уыд. Гварамиайы хъуыдтагы Евроцæдис фæрæдыд æмæ гуырдзиаг тæрхонгæнæг та раст уыд. Калас Евроцæдисы номæй Гуырдзыстоны тæрхонгæнæгæй хатыр курыны бæсты Евроцæдисы æрдыгæй раздæры бабырстыты тыххæй, кæцытæ разындысты æххæст дезинформаци æмæ æфхæрдæй, абон уый гуырдзиаг тæрхонгæнджыты æфхæры æмæ сын æндæр æмæ æндæр æфхæрæн мадзæлттæй тæрсын кæны. “Уымæн ницы бар ис европæйаг аргъдзинæдтимæ. Хъыгаг у, постсоветон политикон элитæ афтæ кæй фехæлдта Брюссель, йæ авторитет æмæ йæ сарæзта уæлæмхасæн советон стилы бырстыты инструментæй”, – загъта Папуашвили.