Гуырдзыстоны парламентон делегаци Шалва Папуашвилийы сæргълæудæй хайад исы æхсæнпарламентон цæдисы  150-æм ассамблейы, кæцы уагъд цæуы Республикæ Узбекистаны сæйраг сахар Ташкенты.
Шалва Папуашвилийы ныхæстæм гæсгæ, парламентæн ис ахсджиаг роль рæстаг, инклюзивон æмæ прогрессивон æхсæнадтæ аразынæн. Уый банысан кодта, зæгъгæ, дунейы бирæ æртхъирæнты æхсæн, Гуырдзыстоны хицауадæн йæ бон баци бæстæйы сабырад æмæ стабилондзинад бахъахъхъæнын, кæцы сарæзта фадæттæ экономикон æмæ социалон размæцыдыл фокусир кæнынæн.
Папуашвили  фæныхас кодта уыцы сæйраг здæхтытыл, кæцытæ ног глобалон социалон бадзырды хай хъуамæ уой. Йæ ныхасмæ гæсгæ, ног социалон бадзырд хъуамæ дзуапп дæтта нырыккон дунейы æртхъирæнтæн æмæ йæм хъуамæ хауа ахæм нысаниуæгджын здæхтытæ: бынæттон æмæ дунеон сабырад парахат кæнын; Демократон хицауиуæгад, дзуаппдæттæндзинад æмæ æргомдзинад; Экономикон рæзт, кæцы здæхт уыдзæн æрмæст мидæггагон продуктмæ нæ, фæлæ ма æнæбарыдзинад æмæ æмбæстæгты æнæниздзинад фæкъаддæр кæнынмæ дæр. Æнæфæцудгæ æрдз сифтонг кæнын, ахизын заз бæласы экономикæмæ, кæцы хъахъхъæндзæн бæстæтæ æмæ планетæ.