Шалва Папуашвили – 1700 азы юбилей Аргъуаны историйы æрмæст юбилейон датæ нæу, уый афтæ дæр у гуырдзиаг паддзахады культурон биографийы æмæ националон æнæфæцудгæдзинады æвæрæн

«Абон нысан кæнæм цау, кæцы Гуырдзыстоны размæцыды фæндаг сбæлвырд кодта, йæ культурон æууæл сфидар кодта æмæ нæ цивилизацион хаххыл банысан кодта» – райхъусын кодта Гуырдзыстоны парламенты сæрдар Шалва  Папуашвили  æппæтдунеон  симпозиум «Хуыцау, Райгуырæн бæстæ, адæймаг»-ы ныхасæй рацыды рæстæджы.
Папуашвили куыд банысан кодта, афтæмæй нæ бæстæ æнусты дæргъы лæууыд империты тигъыл.
Уый ма бафтыдта, зæгъгæ, кæд бирæ уавæртæ фæивтой, уæддæр чырыстон дин райсыны фæстæ гуырдзиаг адæмы æвзæрст баззад æнæивгæйæ. Гуырдзыстон иу æмæ дыууæ хатты нæ фесæфта йæ паддзахаддзинад. Горæттæ ныппырх сты, моладзандонтæ басыгъдысты, хъæутæ та знæгтæй æдзæллаг уавæры уыдысты, фæлæ уæддæр никуы никæмæн бантыст гуырдзиаг адæмæй байсын уыцы монон æмæ культурон бындур, кæцы бахъахъхъæдта нæ æууæлтæ суанг æппæты æвирхъаудæр рæстæджыты дæр. Афтæмæй, Гуырдзыстоны истори æрмæст ирвæзындзинады истори нæу; уый ма у адæймагы уырнындзинад, æвзаг, культурæ æмæ паддзахаддзинады хъуыдыйы æнæфæцудгæ æнувыддзинады истори. Абон дуне ногæй цæры стыр ивддзинæдты дуджы. Технологитæ, экономикон ахастытæ æмæ æхсæнадæмон фæтк тагъд рæзынц. Фæлæ нын истори бирæ хæттыты куыд амоны, афтæмæй ивддзинæдты рæстæджы фидардæр чи лæууы, уыцы æхсæнадтæ сты, сæхи чи нæ фесафы, ахæмтæ. Уымæ гæсгæ чырыстон дин паддзахадон диныл расидыны 1700 азы юбилей æрмæст ивгъуыды бæрæгбон нæу; уый ма у ахæм момент, цæмæй ахъуыды кæнæм нæ бæрндзинадыл, цæмæй бахъахъхъæнæм, æнусты дæргъы нын цы лæвæрд æрцыд, уый — æнæнымæц фæлтæрты нывондæй” -расидтис Гуырдзыстоны парламенты сæрдар Шалва Папуашвили.