Саломэ Зурабишвили кусæн визитæй ацыд Францмæ

Гуырдзыстоны президент Саломэ Зурабишвили кусæн визитæй Францмæ ацыд. Президенты пресскуысты инфонрмацийæ, бæрзонд рангы фембæлдтæ ацæудзæн Страсбургы æмæ Паризы, цы ран президент хайад райсдзæн «Демократийы Дунейы Форумы» æмæ «Паризы Сабырдзинады форумы».
«Демократийы Дунейы Форум» æрвылазонæй Европæйы Советы æмæ Францы хицауады патронажæй цæуы.
Демократийы дæсæм юбилейон форумы нысан у демократийы регрессы сæйраг факторты рабæрæг кæнын æмæ ацы фарста алыг кæнынæн æмбæлгæ фæндæгты бацагурын.
Президенты пресскуысты хъусинагæй, Францмæ кусæн визиты фæлгæтты, плангонд у Гуырдзыстоны президенты фембæлдтæ Европæйы Советы генералон нымæрдар Мария Пийчинович Буричимæ æмæ Европæйы Советы парламентон ассамблейы президент Тини Коксимæ.
Демократийы форумы фæлгæтты, Саломэ Зурабишвили фембæлдзæн Исландийы премьер-министр Катрин Якобсдотиримæ.
11 ноябры Гуырдзыстоны президент Дунейы лидертимæ иумæ, хайад райсдзæн «Паризы Сабырдзинады Форумы», кæцы Францы сæйраг горæты фæндзæм хатт цæуы уагъд. Ацы азы форум фокусиргон уыдзæн мултикризисы æмæ дунейы деструктивон поляризацийæ хибахизыныыл.
Форумыл дзырдæй рацæудзысты: Францы Республикæйы президент Эммануэл Макрон, «UNESCO»-ы генералон директор Одре Азуле, Сырх Дзуары æмæ Сырх æрдæгмæйы президент Мириана Сполярич Егер.