Саломэ Зурабишвили «фæсарæйнаг æндæвдады æргомдзинады фæдыл» закъоны фæуромын æмæ фæстагмæ аивыны æркуырдæй, конституцион тæрхондонмæ хъаст бахаста
Гуырдзыстоны президент Саломэ Зурабишвили конституцион тæрхондонмæ хъаст кæны, кæцыйæ домы «Фæсарæйнаг æндæвдады æргомдзинады фæдыл» закъоны бауромын æмæ фæстагмæ йæ аивын.
Уый фæдыл президенты парламентон нымæрдар Гиорги Мсхиладзе президенты администрацийы брифингыл райхъусын кодта.
«Гуырдзыстоны президент фыццаг хатт бахæсдзæн хъаст Гуырдзыстоны конституцион тæрхондонмæ. Хъаст æххæссы «Фæсарæйнаг æндæвдады æргомдзинады фæдыл» закъонмæ, уырыссаг закъонæй цы хонынц – уымæ. Фæнысангонд закъон æнæконституцион у. уый йæ ныхмæ у Гуырдзыстоны Конституцийы 78-æм статийæн. Хъаст ма афтæдæр æххæссы закъоны рæнхъ нормæтæм, кæцытæй хæлд цæуы конституцийæ гарантиргонд рæнхъ бындурон бартæ. Президент ацы хъастæй домы фæнысангонд закъоны архайыны фæуромын æмæ йæ фæстагмæ аивын», – банысан кодта Гиорги Мсхиладзе.