Гуырдзыстоны раздæры президент Саломэ Зурабишвили расидтис, цæмæй райста фыстæг Швецийы премьер-министрæй, кæцыйы тыхстдзинад æвдыст цæуы Гуырдзыстоны уæвæг уавæры тыххæй демократи æмæ адæймагы барты æрдгæй.

Зурабишвили абоны брифингыл куыд банысан кодта афтæмæй, Швецийы хицауад аскъуыддзаг кодта, цæмæй æрурома алы æххуыс Швецийы æппæтдунеон рæзынады æмкуыстдзинады агентадæй (SIDA) Гуырдзыстоны хицауадæн, æмæ Швеци цæттæ у баззайа æмбæстагон æхсæнады донорæй.

Уымæй дарддæр ма, Саломэ Зурабишвили сиды, цæмæй кризисæй рацæуæн у ног парламентон æвзæрстытæ.

«Фæнды мæ базонгæ кæнон Швецийы премьер-министры фыстæгимæ, кæцы мæхæдæг райстон, кæцыйы мидæг ис стыр тыхстдзинад Гуырдзыстоны демократи æмæ адæймагы барты æрдгæй уæвæг уавæры тыххæй, цæмæй реалонæй, æмбæстагон фæзуат тынг арæнæвæрд у æмæ ноджы арæнæвæрд цæуы, æмæ уый нæ хауы нæдæр Евроцæдисы аргъдзинæдтæм, нæдæр Евроцæдисы фæндагмæ Швецийы хицауадмæ. ахицæн кодта æппæт æххуыс афтæхуыйнæг Гуырдзыстоны хицауадæн шведаг агентадæй, кæцы ацы бæстæйы иуæй-иу сæйраг донортæй уыд, Фæлæ Швеци цæттæдзинад зæгъы, цæмæй баззайа Гуырдзыстоны демокративон размæцыды æмæ йæ европон фæндаджы фарсылхæцæгæй, баззайа куыд донор, фæлæ æмбæстагон æхсæнадæн, æмæ ацы æрдгæй, мах цæст дарæм Гуырдзыстоны закъондæттынадмæ, цæмæй бамбарæм, цавæр æмбæстагон формæйæ хъуамæ дарддæр кæнæм æххуыс. Мах дæр, куыд æндæр европæйаг бæстæтæ, дарддæр кæндзыстæм лæмбынæг цæстдард Гуырдзыстоны уавæрмæ, баззайдзыстæм гуырдзиаг адæмы стыр фарсылхæцæг æмæ сæ европон фæндагæн, сæ демократион рæзтæн æмæ æнхъæлмæ кæсæм, цæмæй Гуырдзыстоны хицауад сараздзæн æнæмæнгхъæугæ къахдзæфтæ, цæмæй кризисæн кæрон æрцæуа æмæ демократион институттæм æууæнк сног уа. Иттæг хорз зонæм, цæмæй кризисæй рацæуæн ис иунæг æмæ иунæг фæндаг – ног парламентон æвзæрстытæ. Никæцы æндæр формæйæн, æндæр æвзæрстытæн нæй гæнæн, цæмæй кæрон скæна бæстæйы антидемокративон режимæн, антиамерикаг, куыд загътой америкæгтæ, æмæ антиевропæйаг, куыд зæгъынц европæйæгтæ. Иунæг сабырадон фæндаг у ног парламентон æвзæрстытæ», -расидтис Саломэ Зурабишвили.