Гуырдзыстоны раздæры президент Саломе Зурабишвили Евроцæдисы уæнг бæстæты æттаг хъуыдтæгты министртæм, Евроцæдисы вице-президент æмæ Евроцæдисы æттаг хъуыдтæгты æмæ æдасдзинады политикæйы бæрзонд минæвар Кайя Калласмæ фыстæг ныффыста.
Уый зæгъы, цæмæй Гуырдзыстон æнкъары демократийы тагъддæр ныллæг æмæ бæстæ тагъд ивы квази-тоталитарон системæмæ.
«Уавæр æрхæццæ ис критикон æмвæзадмæ.Кæд æмæ Евроцæдис бæлвырд, иугондæй æмæ конкретон фæстиуджытæй дзуапп нæ ратта, уæд æрмæст Гуырдзыстон нæ фесафдзæн куыд стратегион партнер, фæлæ ма сæвæрдзæн тæссаг прецедент дæр, кæцыйы ничи ныхмæлæудзæн демократийы ныллæгдзинад æмæ Европæйы сыхбæсты Уæрæсейы æрбабырстæн. Æз æвæстиатæй сидын Евроцæдис æмæ йæ уæнг бæстæтæм, цæмæй: бæстæйы ныртæккæйы уавæрæн аргъ скæной, куыд хицауады авторитарон æрцахст æмæ Уæрæсейы альянсы æрдæм бæлвырд стратегион ивд, бæлвырд æмæ æнæфæцудгæйæ æххуыс кæной гуырдзиаг адæмæн, кæцытæ æгъатырдзинад æмæ тасдзинады ныхмæ лæууынц Европæйы тырысатæн. европæйаг бинонтæ архайын æмгуыст политикон къахдзæфтæй: бæлвырд, æмхъæлæсæй æмæ эффективонæй, куыд домдæуы Европæйы парламенты уынаффæтæй.
Стратегион фæразондзинады рæстæг фæцис! Ныртæккæ хъæуы моралон тых æмæ политикон бæлвырддзинад. Гуырдзыстоны демокративон фидæн, Европæйы æууæнкдзинад æмæ геополитикон æнæхъæндзинад сты рискъы бын», -ис фыст Саломэ Зурабишвилийы фыстæджы.