Националон статистикæйы куысты бæрæггæнæнтæм гæсгæ, 2025-æм азы 1-æм январмæ Гуырдзыстоны цæрджыты нымæц уыд 3704,5 мин адæймаг, кæцы 9,9 мин адæймагæй фылдæр у ивгъуыд азы æмхæццæ периодимæ абаргæйæ.

Зæрдылдаринаг у, цæмæй 2024 азы фиксиргонд æрцыд æппæрццаг æрдзон рæзт (-4,488) æмæ позитивон миграцион баланс (14,386).

Сакстаты бæрæггæнæнтæм гæсгæ, 2025-æм азы фыццаг январмæ Гуырдзыстоны цæрджыты 61,5 процент горæтон цæрæн бынæтты цæры. Уымæй дарддæр ма, Тбилисы цæрджытæ æппæт цæрджыты æртыккаг хайæ фылдæр сты.

2025 азы 1 январмæ æппæт цæрæг адæмы нымæцы 0-14 азы кары адæмы хай у 19,2 проценты, кусæг кары адæмы хай (15-64 азы кары къорд) у 64,2 проценты, 65 азы æмæ уымæй хистæр кары адæмы хай та у 16,6 проценты.

2025 азы 1 январмæ нæлгоймæгты нымæц уыд 1780,6 мины, сылгоймæгты нымæц та — 1923,9 мины. Уымæй дарддæр ма Гуырдзыстоны цæрджыты 48 проценты сты нæлгоймæгтæ, 52 проценты та сты сылгоймæгтæ.

Уагдоны хыгъдлæвæрдмæ гæсгæ, æхсæнадон нымæц у 93, кæцы нысан кæны, цæмæй алы 100 сылгоймагæн ис 93 нæлгоймаг. Зæгъын хъæуы уый, æмæ 40 азы онг нæлгоймæгты нымæц сылгоймæгты нымæцæй фылдæр кæй вæййы, 40 азæй фæстæмæ та уынæм ныхмæвæрд ныв, кæцы баст у, сылгоймæгтæ нæлгоймæгтимæ абаргæйæ фылдæр кæй цæрынц, уымæй.