Санкциты фарстаты  Евроцæдисы   специалон  минæвар   Девид О’Cалливан   дыууæбонон визитæй  абон Тбилисы æрцæудзæн.   Уый фæдыл   информаци хъусын кæны Гуырдзыстоны Евроцæдисы минæварад.

Афтæма сæ  информацийæ, Девид О’Cалливан  Гуырдзыстоны  хицауадимæ иумæ æркæсдзæн    иумæйаг   интересты сферæмæ  хауæг фарстатæ, сæрмагондæй  та  санкциты æмæ сæ эффективонæй сæххæсты  процесс.

«Визиты нысан у  комкоммæ   коммуникацион  каналы   байгом кæнын æмæ  фидæнон æмгуыстады   бындурæвæрд  диалог.  Гуырдзыстоны   хицауад  æмгуыстадмæ  стыр цæттæдзинад   равдыста уыцы  фарстатæм гæсгæ, кæцытæ   сæрмагонд нысаниуæгджын сты  специалон  минæвары визитæн  æмæ ис ныфс, цæмæй æнгом   æмгуыстад  адарддæр уыдзæн.

Визиты  фæлгæтты,  райсомæй ацæудзысты  фембæлдтæ   Гуырдзыстоны  премьер-министр Ираклий Гъарибашвилиимæ, фæсарæн хъуыддæгты министр Илиа Дарчиашвилиимæ, вице-премьер æмæ экономикæйы  министр Леван Давиташвилиимæ, финансты министр Лаша  Хуцишвилиимæ, Националон банкы  президенты хæстæ æххæстгæнæг  Арчил Мествришвилиимæ  æмæ генералон прокуррор Ираклий Шотадзеимæ.

Девид О’Cалливан   афтæдæр фембæлдзæн   бизнесы минæвæрттимæ.  Визиты фæлгæтты  ацæудзæн  Девид О’Cалливаны  фембæлд  прессæимæ – информаци бынаты æмæ рæстæджы фæдыл  уæлæмхасæй  фехъусын  кæндзыстæм. Уый  уыдзæн иумæйаг  визит, кæцыйы  афтæдæр хайад исынц  АИШ-ы  паддзахадон департаменты  санкциты  координацийы офисы  къухдариуæггæнæг, минæвар  Джим О’Брайен æмæ Иугонд Паддзахады æддагон, æмгарады æмæ  рæзынады   офисы  генералон   директор   экономикæйы, зонæдты æмæ  технологиты сферæйы  Кумар  Аийер», –   банысангонд у  Евроцæдисы минæварады  ахæлиугонд информацийы.