Æнæзаконон миграцийы ныхмæ тохы фæлгæтты мидхъуыддæгты министрады миграцион управленийы кусджытæ бæстæйы масштабæй сæрмагонд иммиграцион контролон мадзæлттæ сарæзтой. Вазыгджын мадзæлтты фæстиуæгæн ахст æрцыдысты 55 æнæзаконон фæсарæйнаг, кæцыты нымæцы Уæрæсе, Узбекистан, Турк, Белорусси, Хъыргъызстан, Азербайджан, Иорданийы, Кот-д’Ивуары, Бангладешы, Туркменийы æмæ Пакистаны æмбæстæгтæ сты. Уый фæдыл информаци мидхъуыддæгты министрад парахат кæны.

«Сæрмагонд иммиграцион контролы мадзæлтты фæлгæтты, управленийы кусджытæ æндæр æмæ æндæр нысанæй конкретон локацитæ æмæ объекттæ сбæрæг кодтой, кæцыты нысан уыд Гуырдзыстоны æнæ юридикон бындурæй уæвæг фæсарæйнаг æмбæстæгты рабæрæг кæнын.

Сбæрæг ис, ахстгонд адæймæгтæ бæстæйы кæй уыдысты Гуырдзыстоны «Фæсарæйнæгты æмæ æнæпаддзахадон адæймæгты юридикон уавæры тыххæй» закъоны снысангонд домæнтæ хæлгæйæ.

Ацы рæстæгмæ ахст адæймæгтæ сты миграцион управленийы рæстæгмæ цæрæнуæтты центры. Бæстæйæ сæ ссæрибар кæныны тыххæй цæуы æмбæлон процедурæтæ», -ис фыст МХъМ-йы информацийы.