Руставелийы проспектыл, 14-æм декабры, 19:00 сахатыл, сæйраг сахары сæйраг наз бæлас срухс уыдзæн. Уый фæдыл Тбилисы мэр, Каха Къаладзе видеосидты рæстæджы расидтис.

«Фæнды мæ уын зæгъын, цæмæй Тбилис дарддæр дæр уыдзæн сеппæтæй кæлæнгæнæг, сеппæтæй рæсугъддæр Ног азмæ аивгонд горæт, цыран адæмæн, нæ сывæллæттæн уыдзæн амонд æмæ цины æнкъарæн; цыран сывæллæттæ фендзысты æцæг бæрæгбон æмæ сæхи ирхæфсдзысты. Уый тыххæй арæзт æрцæудзæн æппæт уавæртæ дæр», -расидтис Каха Къаладзе.

Йæ ныхасмæ гæсгæ, бæстæйы уыдзæн сабырад æмæ размæцыд æмæ къахдзæфтæ арæзт æрцæудзысты евроинтеграцийы фæндагыл.

«Хъыгагæн хъуамæ банысан кæнон, цæмæй ис бæрæг тыхтæ, куыд бæстæйы мидæг, афтæ æддейæ дæр, кæцытæ фæстаг цалдæр боны дæргъы архайынц бæстæмæ хаос æркæнын. Фæлæ мæ фæнды сымахмæ, нæ бæстæйы æмбæстæгтæм басидтæн æмæ уын зæгъон, цæмæй бæстæйы æнæмæнгæй уыдзæн сабырад, размæцыд, нæ бæстæйы европæйаг интеграцийы фæндагыл алы къахдзæф дæр арæзт цæудзæн. Уæдæ, ссудзæм иумæ столицæйы сæйраг наз бæлас æмæ ахъуыды кæнæм нæ райгуырæн бæстæйы уæлахизтыл. Æнхъæлмæ кæсæм уе ‘ппæтмæ дæр сабаты, 14 декабры, 19:00 сахатыл. Уæ бон у æрбацæуын уæ сывæллæттимæ, уæ хъæбултимæ. Сæйрагдæр та æнæмæнгæй хъарм дарæс скæнут, иумæ ссудзæм бæстæйы сæйраг наз бæлас æмæ фæндиæгтæ скæнæм» -расидтис Тбилисы мэр.