Руставелийы проспекты цалцæггæнæн куыстытæ 23-æм июлы æмбисæхсæв райдайдзысты, æмæ проспектыл æмæ Мераб Къоставайы уынджы иу хайыл æппæт змæлд бынтондæр тобæгонд уыдзæн

“Руставелийы проспекты реабилитаци райдайдзæн 23-æм июлы 12:00 сахатыл. Уыцы рæстæгæй фæстæмæ Руставелийы проспектыл, афтæ дæр Мераб Къоставайы уынджы хайыл æппæт змæлд бынтондæр тобæгонд уыдзæн”, – расидтис Тбилисы мэр Каха Къаладзе муниципалон хицауады абоны рабадтыл.

Йæ ныхасмæ гæсгæ, проект раздæр фæфæстиат ис уымæн æмæ компанитæ тендерты хайад нæ истой.

«Руставелийы проспекты æххæст реконструкцийы проекты райдайæн фæфæстиат ис къорд аххосагæй. Тендер цалдæр хатт уыд расидт, фæлæ алы хатт дæр æнæкусгæйæ банымадтой, уымæн æмæ компанитæ тендертæ нæ бавдыстой.

Руставелийы проспект у нæ сæйраг сахары сидты картæ, куыд визуалонæй, афтæ историонæй дæр. Ацы проспект уыд æвдисæн бирæ цины цаутæн, уæлахизтæн, стæй трагедитæ æмæ мастæн. Хъуамæ уа хæрзарæзт æмæ нырыккон, цæмæй куыд нæ бæстæмæ æрцæуæг уазджытæ, афтæ бынæттон цæрджытæ дæр сæрыстырдзинады æнкъарæнтæ æнкъарой» – расидтис Каха Къаладзе.Йæ ныхæстæм гæсгæ, куыст 23-æм июлы 12:00 сахатыл райдайдзæн, æмæ уыцы рæстæгæй фæстæмæ, Руставелийы проспект æмæ Мераб Къоставайы уынджы иу хай æнæхъæнæй æхгæд уыдзысты алы хуызы змæлдæн.

«Реконструкцийы фæзуат аххæссы Тамар Чъовелидзейы уынгæй Сæрибары фæзы онг – зæгъæн ис дыууæ километры фæндаг.

Проекты фыццаг къæпхæны рæстæджы æххæстæй сног кæндзысты зæххыбын коммуналон хæххытæ: баивдзысты централон донуадзæн, канализацион, къæвдаты дæттæн, газуадзæн хызæгтæ. Уымæй уæлдай ма, уæлдæфон электрохæххытæ раивдзысты зæххыбын телты хæтæлтæм. Сæвæрдзысты дзы зæххы бын хауæццæгтæ æмбырдгæнæн контейнертæ дæр.

Уыцы-иу рæстæг арæзт æрцæудзæн нырыккон фæндагон инфраструктурæ: сног кæндзысты фæндаг æмæ къахвæндæгтæ, æвæрд æрцæудзæн ног асфальт. Æнæхъæнæй ивд æрцæудзæн æддаг рухсгæнæн системæ, æмæ сæвæрдзысты нырыккон светодиодтæ» – банысан кодта Каха Къаладзе.

Тбилисы мэры ныхасмæ гæсгæ, проекты нысаниуæгджын хай снывонд уыдзæн æрдзы хæрзарæзтадæн. «Уæвæг заз бæлæстæ сног уыдзысты æмæ ныссадздзысты ног бæлæстæ æмæ зайæгойтæ, цæмæй Руставелийы проспект ноджы зæрдæмæдзæугæдæр æмæ экологон æгъдауæй æдасдæр уыдзæн. Уæлдай хъусдард здæхт æрцæудзæн фистæгцæуджыты æдасдзинад æмæ æнцонвадатдзинадмæ: фистæгцæуджыты ахизæнтæ сæвæрдзысты, фæндагон нысæнттæ æвæрд æрцæудзысты, ног фæндагон нысæнттæ уыдзысты æххæстгонд Проспекты æнæхъæнæй бацæуæн уыдзæн. инвалидтæн», – бахахх кодта Каха Къаладзе.

Йæ ныхасмæ гæсгæ, куыст, кæцы Тбилисы мэрийы инфраструктурæйы рæзынады куыст сыххæст кæндзæн, ноябры кæронмæ хъуамæ фæуа.