«Ройтер» - хæсты ныхмæ акцитыл Уæрæсейы 4300-йæ фылдæр адæймагы æрцахстой
Уæрæсейы, Украинайы хæсты ныхмæ акцитыл 4300-йæ фылдæр адæймагы æрцахстой.
Информаци хъусын кæны агентад «Ройтер».
Медийы хъусинагæй, ивгъуыд æхсæв Украинайы хæсты ныхмæ Уæрæсейы масштабæй 56 горæты ацæугæ протестон акцитыл 4300-йæ фылдæр демонстранты æрцахстой. Алкæмæй фылдæр 1700 адæймагы Мæскуы æмæ йæ алфæмбылæйтты ацæугæ акцитыл 750 адæймагы та Санкт-Петербургы æрцахстой.
Медиа куыд фыссы афтæмæй, хæсты ныхмæ акцитæ Уæрæсейы зæгъæн ис алы стыр горæты ацыд, цы ран мингайц демонстрант хъæр кодтой «Хæстæн Нæй» æмæ «Худинаг» у зæгъгæ.
Уæрæсейы мидхъуыддæгты министрады хъусинагæй, демонстрантты æрцахст æрцыд уый тыххæй, цæмæй акцитæ нæ уыдысты санкциргонд. «Ройтер» куыд фыссы, афтæмæй ахæм масштабы акцитæ Уæрæсейы фæстаг хатт ивгъуыд азы январы мæйы уыд, демонстранттæ ахст уырыссаг оппозиционер Алексей Навальныйы ссæрибар кæнын куы куырдтой уæд.