Антикоррупцион агентад, снысангонд уагæвæрд æмæ тæрхоныл бындурæвæрдæй, бацыд ассоциацийы уæнг компанитæм, æрдомдта контракттæ, хыгъдон гæххæттытæ, æмæ фактурæтæ, – уый фæдыл дзырдæуы «Ритейл ассоциацийы» фидиуæны.

Фидиуæны ис фыст, цæмæй ассоциацийы уæнг компанитæ иууылдæр æххæстæй æмæ æнæкъуылымпыйæ æмгуыст кæнынц фæдагурæн органимæ.

«Бæлвырд кæндзыстæм, цæмæй абон, 22-æм январы, Паддзахадон æдасдзинады куысты антикоррупцион агентад, снысангонд процедурæ æмæ æмбæлон тæрхоныл бындурæвæрдæй, бацыд ассоциацийы уæнг компанитæм æмæ æрдомдта бæрæг документаци, се æхсæн контракттæ, фыццаградон хыгъдон документтæ, фактурæтæ æмæ накладнойтæ.

Ассоциацийы уæнг компанитæ иууылдæр æххæстæй æмæ æнæкъуылымпыйæ æмгуыст кæнынц слестгæнæн органимæ. Æмбæлон процедурæтæ цæуынц сабыр уавæры, æххæстæй æххæст кæнгæйæ барадон нормæтæ æмæ ныффидаргонд процедурон фæлгæттæ.

Куырд документацийы бæрцмæ гæсгæ йæ æмбырд кæнын, бакусын æмæ йæ бавдисынæн хъæуы уæлæмхасæн рæстæг. Фылдæр информацийы  цауы  уæлæмхас  официалон  æмбарынгæнæн лæвæрд æрцæудзæн æхсæнадæн» – ис фыст фидиуæны.