Ресторан «Бабилойы» цур цæугæ протесты рæстæджы барадхъахъхъæнджытæ административон æгъдауæй æрцахстой цалдæр адæймаджы.
Ныхмæлæуд сырæзт Тбилисы, ресторан «Бабилойы» цур, цы ран протестон митинг цæуы. Барадхъахъхъæнджытæ протесты цалдæр хайадисæджы æрцахстой.
Патрулон полицийы департаменты директоры хæдивæг Серги Бзишвили бынатыл журналисттæн куыд расидтис, афтæмæй уæлдæр банысангонд гоймæгтæ административонæй ахст цæуынц.
«Уыдон ныхмæ лæууыдысты пъæлицæйæн, æппæрстой æйчытæ, æрæхгæдтой фæндаг, афтæ ма пъæлицæмæ дзырдтой æгадгæнæг ныхæстæй». «Уæлдæр банысангондæй бæрæг у, цæмæй уыдон административонæй ахст цæуынц», – расидтис Бзишвили Серги.
Протестгæнджытæ цалдæр сахаты размæ ресторан «Бабилойы» цур æрæмбырд сты, цыран, уæвæг информацийæ, тæрхонгæнджытæн корпоративон хъæлдзæгдзинад цæуы. Ресторанмæ æрбацæуæг тæрхонгæнджытыл хъæлдзæг хъæлæсæй сæмбæлдысты.
Ныхмæлæуд уый фæстæ сырæзт, цалдæр тæрхонгæнæг хæрæндонæй куы ацыдысты, уый фæстæ. Митинггæнджытæ сæм хъæр кодтой æмæ сæм æйчытæ æппæрстой.
Бынатыл æрцыд цалдæр дзыхæй ныхмæлæуд æмæ физикон быцæудзинад, цæй фæстæ та барадхъахъхъæнджытæ æрцахстой цалдæр адæймаджы.