Мах хъуыды кæнæм, цæмæй визæйон арæнæвæрдтæ репресситы аххосджынтæн хъуамæ уа, гуырдзиаг адæмыл нæ фæлæ – расидтис Польшæйы фæсарæн хъуыддæгты министр Радослав Сикорский.

Сикорски дзуапп радта фарстæн, цы у Польшæйы позици визæты либерализацийы æруромыны фæдыл?

«Æз райгуырдтæн коммунистон Польшæйы. Уый уыд авторитарон режим, фæлæ нын иуæй-иу рæстæджы фадат лæвæрдта фæсарæнтæм ацæуынæн. Æмæ уыцы рæстæджы, мах уæлдай аргъ кодтам ахæм бæстæтæн, куыд Австри, Швеци, Ныгуылæн Берлин, кæцытæ нын бар лæвæрдтой æнæ визæйæ бацæуынæн. Уый махæн уыд дунемæ рудзынг. Радослав Сикорский.

Сикорскийы ныхæстæм гæсгæ, «Польшæ йæ фарсыл хæцы Евроцæдисы уæлдæр минæвар Гуырдзыстоны Кая Каласы политикæйæн, кæцы ацы этапыл арæзт у Гуырдзыстоны хицауады бауырнын кæныныл архайын, цæмæй оппозицийы юридикон æфхæрд бауромой».

«Æз фембæлдтæн Гуырдзыстоны раздæры премьер-министримæ, кæцыйы ныхмæ арæзт аххосæгтæ мæнмæ кæсынц бынтон мæнг.Æмæ мах йæ фарсыл хæцæм гуырдзиаг æхсæнадæн йæ европон бæллицты.Ныфс нæ ис, цæмæй Гуырдзыстоны хицауад æххæст кæндзæн цы ныфс бавæрдта æвзæрстыты рæстæджы, ныртæккæ цы аразы, уый бæсты, кæцы Европæйæ йæхи аиуварс кæна», -расидтис Радослав Сикорски.

Уымæй уæлдай ма,  Польшæйы æттаг хъуыдтæгты  министрады  веб-фарсыл, Брюселы Евроцæдисы  Советы  рабадты фæдыл  информаци рапарахат ис.

Пресс-релизы ис фыст, цæмæй министр Сикорский расидтис рæзгæ тыхстдзинад Гуырдзыстоны политикон уавæры тыххæй, кæцы йæ ныхæстæм гæсгæ фылдæрæй фылдæр æнгæс кæны хицауиуæгады авторитарон моделмæ, Уæрæсейы æндæвдад рæзы.

Сикорскийы ныхасмæ гæсгæ, Польшæ æнхъæлмæ кæсы, цæмæй Гуырдзыстоны хицауад ахстгондты æвæстиатæй ссæрибар кæндзæн æмæ оппозицион партитимæ диалог райдайдзæн. Пресс-релизы банысангонд у, цæмæй уый йæ фарсылхæцындзинад расидтис Еврокамисы вице-президент Кайа Калласы бавдыст мадзæлттæн, се æхсæн санкциты æрдгæй.