Гуырдзыстоны прокуратурæ хихъахъæнады раздæры министр Джуаншер Бурчъуладзейы аххосджын кæны официалон бартæй æнæзакъонæй пайда кæныны æмæ паддзахадон кæнæ политикон бынаты кусæг адæймаджы æрдыгæй æнæзакъонон æфтиæгты легализацийы аххосагæй.

Слестгæнæн уагдоны информацийæ, аххосаг 12 азы онг ахæстоны фæбадыны æфхæрд хæссы.

«Паддзахадон æдасдзинады куысты антикоррупцион уагдоны ауагъд фæдагуырды фæстиуæгæн сбæрæг ис, цæмæй 2023 азы Гуырдзыстоны уæды хъахъхъæнынады министр йæ официалон бартæй спайда кодта йæхицæн æмæ йæ хæстæгæн царды фæрæзтæ райсыны тыххæй.Сæрмагондæй, йæ хæслæвæрдмæ гæсгæ, Гуырдзыстоны уæды хъахъхъæнынады министры хæдивæг æмæ хъахъхъæнынады департаменты раздæры къухдариуæггæнæг Гуырдзыстоны хъахъхъæнынады департаментимæ Гуырдзыстоны раздæры хъахъхъæнынады министры хæстæджы æххуыс, æфсæддон госпиталæн медицинон кусæнгæрзтæ балхæныны процессы æнæконкурентон уавæр сарæзта, цæй фæстиуæгæн, æнæреалон бадзырдты сарæзты фæрцы кусæнгæрзты аргъ сырæзт æмæ Гуырдзыстоны Хъахъхъæнынады министрадмæ лæвæрд æрцыд кусæнгæрзтæ 2 606 272 ларийы аргъæй 3 940 000 ларийы  фыдракæндты  фæстиуæгæн,  Гуырдзыстоны  хихъахъæнады  министрадæн  1 333 728 ларийы бæрц  мулк зиан æрцыд.

Гуырдзыстоны раздæры хихъахъæнады министр, сæрмагондæй, Æнæзакъонон æмæ æнæбындурон мулкы равзæрд бамбæхсыны æмæ æмбæхсыны тыххæй сарæзта ахæм мадзæлттæ, цæмæй ацы мулкæн юридикон формæ ратта:

2025 азы январы йæ бинойнагимæ балхæдтой зæххы хай Испанийы 544 мин евройæ, хæдзар ыл. Уымæн æмæ нысангонд суммæйы юридикон равзæрд нæ уыд фиксиргонд, цæмæй ацы суммæйы равзæрд æмбæхст æрцæуа, 2024-æм азы раздæры хъахъхъæнынады министры бинойнаг æмæ æртыккаг фарсы æхсæн горæт Цънеты уæвæг æнæзмæлгæ мулкы æлхæды тыххæй фиктивон бадзырд бафыстой. Æцæгæй та, раздæры хъахъхъæнынады министры бинонтæ нæ рахицæн кодтой ацы исбон æмæ бадзырды нысан уыд æрмæстдæр Испанимæ æрвыст суммæйы равзæрд æмбæхсын.

Уымæй уæлдай ма, цæмæй æмбæхст æрцæуа уыцы 544 000 евройы æнæзакъонон равзæрд, уый тыххæй раздæры хъахъхъæнынады министр 2025 азы мартъийы декларацийы æппындæр нæ равдыста Испанийы æлхæд æнæмæнгхъæуæг мулк, æмæ афтæмæй легализацигонд æрцыд уæлдай стыр æнæзакъонон æмæ æнæбындурон æфтиæгтæ 1,53,221 GEL.

Ахстгонды аххосджын кодтой Уголовон кодексы 194-æм статьяйы 3-аг хайы дæлпункт «в» æмæ 332-æм статьяйы 2-аг хаймæ гæсгæ (паддзахадон кæнæ политикон бынат ахсæг адæймагæн официалон бартæй æнæзакъонæй пайда кæнын æмæ æнæзакъонон æфтиæгты легализаци) Уголовон кодексы, кæцы æфхæрды информацийы формæ æмæ мадзалы хуызы æвдисы 12 азы онг ахæстоны фæбадын» -ис фыст хъусынгæнинаджы.