Поты æмæ Бакуйы наулæууæнты æхсæн специалон блокон поезд снысан ис, кæцы зынгæ фæкъаддæр кæндзæн уæзты транзитон рæстæг дыууæ порты æхсæн. Уый фæдыл информаци Гуырдзыстоны æфсæнвæндæгтæ рапарахат кодтой.

Æфсæнвæндаджы информацимæ гæсгæ, Поты терминалмæ фыццаг блокы поезды бацыдæн церемониалон мадзал уагъд æрцыд, кæцыйыл Гуырдзыстоны æмæ Азербайджаны æфсæнвæндаджы къухдариуæггæнджытæ истой хайад.

«Блокпоезд дыууæ порты æхсæн регулярон графикмæ гæсгæ цæудзæн æмæ позитивонæй бандавдзæн контейнерты ласыны процесс фæхуымæтæгдæр кæныныл æмæ транзитон рæстæг фæкъаддæр кæныныл, сæрмагондæй, сифтонг кæндзæн уæгъд контейнерты ласын Потийæ Бакумæ æмæ фæстæмæ æфсæнвæндагæй, кæцы æрмæст зæххон автомагистралтæ нæ фæрогдæр кæндзæн, фæлæ ма экологийæн дæр къаддæр зиан æрхæсдзæн.

Уæлдæр банысангонд инициативæ Астæуккаг къæлидоры контейнерон уæзты æдас æмæ эффективон ластæн ахъаз кæндзæн, кæцы маршруты æркæсинагдæр æмæ æркуырдджындæр кæндзæн» – ис фыст æфсæнвæндаджы хъусинаджы.

«Блокпоездты график æмæ тарифтæ сбæлвырд кæнгæйæ, уæзласæн хицæуттæ развæлгъау базондзысты сæ контейнерты æрбалæуд Потимæ æмæ æрыздæхыны рæстæг. Ацы ногдзинад уыдзæн финансон пайда Гуырдзыстоны æфсæнвæндæгтæн æмæ фылдæр æфтиаг æрхæсдзæн компанийæн», – бамбарын кодта Гуырдзыстоны æфсæнвæндæгты генералон директор Лаша Абашидзе.

Æфсæнвæндаджы информацийæ, блокпоезды бæлвырд маршрут у: Батум-Поти-Тбилис-Апшерони-Сумгайты-Алиат. Гуырдзыстон æмæ Азербайджан дæттынц уæзты хицæуттæн фæхуымæтæгдæр лæггад, «терминалæй дуармæ».