Тбилисы рæзынады фонд Пиросманийы 29-æм уынгыл бæстыхайы реабилитаци райдыдта, – уый фæдыл сæйраг сахары мэр Каха Къаладзе Тбилисы муниципалитеты хицауады рабадтыл расидтис.

Куыд банысан кодта, афтæмæй бæстыхай историон цыртдзæвæн кæй у, уый хынцгæйæ, уæлдай хъусдард здæхт цæудзæн алы лыстæг хабæрттæм дæр æмæ хъахъхъæд æрцæудзæн алы орнамент дæр.

Проекты домæнтæм гæсгæ арæзт æрцæудзысты ахæмтæ: бындур æмæ къулты реставрацион æмæ фидаргæнæн куыстытæ; Фасадтæ сæ фыццаг хуызмæ сног кæнын æмæ цалцæг кæнын; Алы лыстæг хабæрттæм дæр уыдзæн уæлдай цæстдард, хъахъхъæд æрцæудзæн алы орнамент дæр. Зæронд æмæ хæлд хъæдын декоративон элементтæ æмæ рудзынгæй конд панелтæ кæрты сног кæндзысты сæ раздæры хуызмæ. «Афтæ дæр плангонд у коммуникациты, доны æмæ канализацион хызæгты сцалцæг кæнын, афтæ дæр электрон телтæ, куыд зæххы бын, афтæ зæххы уæлæмæ дæр», – банысан кодта Тбилисы мэр.