Украинæйы президент Петро Порошенко  æмæ НАТО-йы генералон нымæрдар  Йенс Столтенберг НАТО-Украинæйы  камисы  уæлрадон  рабадты  æнæаргъæвгæйæ  æрхоныны  фæдыл æрныхас кодтой.

Уый фæдыл  Украинæйы   президенты   пресс-нымæрдар, Святослав  Цеголько  социалон хызаг  «Фейсбукы»  ныффыста.

Йæ  информацийæ,  Порошенкойы  æмæ Столтенбергы  æхсæн  телефонон  ныхас  сырæзт,   кæцы рæстæджы дæр  Украинæйы   лидер  йын  Азовы æмæ Сау денджызты  акваторийы  Уæрæсейы  агрессийы   гуырымыхъхъ  акты  æмæ Украинæйы  дзуаппон мадзæлтты тыххæй  фехъусын кодта.

«Украинæйы паддзахады  сæргълæууæг  Уæрæсейыл æхсæнадæмон  æлхъывдады фæтынгдæр кæнынмæ æрсидтис   украинаг   наудзогты æмæ   науты  æнæаргъæвгæйæ  ссæрибар кæныны тыххæй», – фыссы Цеголко.

Украинæйы президенты пресснымардары   хъусинагæй,  НАТО-ы  генералон нымæрдар  Укранинæй  суверенитет æмæ территорион  æнæхъæндзинадæн фарсхæцын  бабæлвырд кодта æмæ   Уæрæсемæ  æхсæнадæмон  барады нормæты  æмæ Азовы денджызы  акваториты   науты  сæрибар  змæлды бахъахъхъæды æрдæм  æрсидтис.

Уырыссаг наутæ  Украинæйы  катертыл  Одессæйы наулæууæнæй  Мариуполы портмæ  змæлды  рæстæджы æхст  райдыдтой.  Инциденты фæстиуæгæн  Украинæйы   æхсæз  æмбæстаг  фæцæф сты.  Украинæйы  президенты  минæвары хъусинагæй  уырыссаг  арæнхъахъхъæнджытæ  ныридæгæн  20-æй  фылдæр украинаг æфсæддоны   æрцахстой.

Украинæйы  президент, 60 бонон  хæстон  уавæры  райхъусын кæныны  фæдыл  националон æдасдзинады советы иницитиативæимæ сразы ис.