Павел Герчинский – Бæстæтæ, кæцытæн ис иумæйаг фæтк, размæ цæуынц Евроцæдисы уæнгдзинадмæ. Худинаг у, Гуырдзыстон се ‘хсæн кæй нæй, фæлæ нæ ныфс ис, уый рæстæгмæ кæй у

«Европæ æрмæстдæр тыхджындæр кæны зындзинæдтыл æмбæлгæйæ. Иумæйаг фæткæвæрд бæстæтæ дарддæр æмæ дарддæр цæуынц Евроцæдисы уæнгдзинады æрдæм. Худинаг у, Гуырдзыстон уыдон æхсæн кæй нæй», — загъта Евроцæдисы минæвар Павел Герчински Батумы Европæйы боны бæрæгбоны раныхасы.

Герчински банысан кодта, зæгъгæ, йæ ныфс нæ фесæфта, уый рæстæгмæ кæй у, уымæй.

“Æхсызгон мын у, ам, Батумы, ногæй кæй бæрæг кæнæм Европæйы бон. “Batumi ech Batumi” – ацы польшæйаг мелоди, бирæтæн зындгонд, нысан кæны Батумы стырдзинад дæр. Сау денджызы налхъуыт, Батуми, у гом æмæ алыхуызон горæт, æмхæццæ кæны алыгъуызон культурæтæ, традицитæ æмæ фæлтæрддзинæдтæ. алкæмæй хуыздæр?!

Европæйы тых дæр ис алыхуызондзинады æмæ иумæйаг фæткыл бадзырды. Иумæйаг фæтк æххæст кæнын æрхаста сабырад, дидинæфтыд æмæ рæзт Евроцæдисы уæнгтæн 80 азмæ æввахс. Европæ æрмæстдæр тыхджындæр кæны, куыд æппæтдунеон зындзинæдты ныхмæ тох кæны, афтæ. Уымæй уæлдай ма, Евроцæдис уæрæхдæр кæны. Бæстæтæ, кæцытæн ис иумæйаг фæтк, дарддæр æмæ дарддæр цæуынц Евроцæдисы уæнгдзинадмæ. Худинаг у Гуырдзыстон уыдон æхсæн кæй нæй. Нæ ныфс нæ фесæфтам, уый рæстæгмæ кæй у, уымæй.

30 азæй фылдæр, мах лæууæм уæ фарсмæ, Гуырдзыстон, куыд фидар æмæ æууæнкджын партнер. Евроцæдисы фарсылхæцындзинад Гуырдзыстонæн æнæфæцудгæ у. Уыцы-иу рæстæг нæ уагæвæрдтæ баззайынц æнæивгæйæ. Евроцæдисы уæнг суæвыны размæцыд бындуриуæг кæны демократон рæзтыл.

Æмæ ныр, æхсызгонæй æрвитут ацы бон уæ бинонтæ æмæ уе мбæлттимæ. Ацы бон нæ зæрдыл лæууын кæны, куыд дард рацыдыстæм æмæ нын иумæ цы бантыст, уый. Размæ, Гуырдзыстон, размæ!»- загъта Герчинский, кæцыйы раныхас Евроцæдисы делегаци дæр ныммыхуыр кæны.