Гуырдзыстоны парламент  уæлрадон  сессийы пленарон рабадтыл  хицауады   ног скондæн  æмæ  хицауадон программæйæн  æууæнк  расидтис  85 хъæлæсæй.

Министрты  кабинеты æрмæст иу ног министр  ис – юстицийы  министры бынатыл снысан ис  Гоча Лорткипанидзе.

Иннæ  уагддæтты  къухдариуæггæнæджыты, закондæттæг оргæн æнæивгæйæ сфидар кодта. Сæрмагондæй:

Регионалон рæзынады æмæ инфраструктурæйы министр – Майя Цкитишвили; Мидхъуыддæгты министр – Вахтанг гомелаури; Экономикæйы æмæ æнæфæцудгæ рæзынады министр – Натиа Турнава;  Фæсарæн хъуыддæгты министр – Давит Залкалиани;  финансты министр – Иванэ Мачъавариани; ахуырады, зонæдты, культурæ æмæ спорты министр – Михеил Чхелкели; оккупацигонд территоритæй лигъдæтты, фæллойады, æнæнизхъахъхъæды  æмæ социалон  хъахъхъæды  министр – Экатерине Тъикъарадзе; Æрдзы хъахъхъæды æмæ хъæууон хæдзарады  министр –Леван  Давиташгвили; хъахъхъæнынады министр – Ираклий Гъарибашвили;  фидыды æмæ æмбæстагон æмсæрады  фарстæты паддзахадон министр – Тея Ахвледиани.

Хицауадон программæ «Европаг паддзахады  арæзтадæн» -ы тыххæй куы  зæгъæм, йæ  сæраг хай здæхт у  пандемийы ныхмæ тохы æрдæм.

Æууæнк райсынæн  хицауады скондæн  хъуыдис 76 депутаты разыдзинад.