Гуырдзыстоны  парламент  президент  бавдыст  кандидатурæтæ – Нана Хъеинишвили æмæ Теймураз  Хомерикийы  Национ Банкы   советы уæнгтæй  сывзæрста.

Нана Хъеинишвилийæн  схъæлæс кодтой  84  депутат. Йæ ныхмæ  иунæг  депутат дæр не схъæлæс кодта.

Теймуроаз Хомерикийы  кандидатурæйы  фарсхæцæг рацыд   82 депутат, йæ ныхмæ иу  дæр нæ.

Финансон-бюджетон  æмæ фадыгон  экономикæйы  æмæ  экономикон   политикæйы комитетты  иумæйаг рабадтыл абон  Национ Банкы  советы уæнгты бынæттæм президенты бавдыст Нана Хъеинишвилийы æмæ  Теймураз Хомерикийы кандидатурæтыл хъуамæ фæуынаффæ кодтаиккой, фæлæ  советы уæнгтæм  фæныангонд  кандидаттæ   комитетты  рабадтмæ нæ  бацыдысты.  Раныхасгæнæг  Гиорги Мсхиладзе  комитеты рабадтыл  банысан кодта, цæмæй  цалынмæ ивд нæ уыдзæн  Национ Банкы президенты  хæстæ æххæстгæнæгы 2023 азы 19 сентябры  бардзыд, уæдмæ  нысанæмрастыл нымайынц   комитетмæ  кандидатты  бавдисын.  Нæкæсгæ  уымæ æмæ  кандидаттæ рабадтмæ нæ  бацыдысты,  хъæлæскæнын ацыд  æмæ комитеты  уæнгтæ сын  не  схъæлæс кодтой.

Ацытæккæ, Гуырдзыстоны Национ Банкы советы   фараст уæнгы бæсты,   æрмæст авд уæнг ис. Уыдонæй æртæ – советы  вице-президенттæ  советæй  ацæуыны  фæдыл уынаффæ  ныридæгæн рахастой.  Папуна Лежавайы, Арчил Мествиришвилийы æмæ Николоз  Гагуайы  куыстуагъды фæдыл   информаци, парламенты бюро  абоны  рабадтыл  райста.  Закъонмæ гæсгæйæ,   уыдон   срветы уæнгты  бынат, дыууæ мæймæ –  21  ноябрæй ныуадздзысты.