Гуырдзыстоны парламент иумæйаг тæрхондæтты фæдыл законы ивæндзинæдтæм, æмрæнхъ проекттимæ иумæ, æртыккаг бакастæй  бакаст æмæ сæ 80 хъæлæсæй райста.

Закъондæттæн ивæндзинæдты пакет уæрæхдæр кæны тæрхонгæнæгимæ æнæзакъонон коммуникацийы субъектты цирхъ. Ног дефиницимæ гæсгæ, æнæзакъонон коммуникацийы субъект уыдзæн алы адæймаг, кæцы тæрхонгæнæгимæ æнæмбæлонæй ныхас кæнынмæ хъавдзæн, тæрхонгæнæджы кæнæ тæрхондоны системæйы хæдбардзинадыл бандæвыны нысанæй.

Уымæй дарддæр ма хуыздæргонд цæуы тæрхонгæнæгыл цыфæнды хуызы æндæвдад æмæ тæрхондоны хæдбардзинады хæлд ма руадзыны механизм.

Закъондæттæн ивддзинæдтæ: тобæ кæнынц искæцы адæймагæн тæрхонгæнæгæн æнæуынондзинад равдисын цыфæнды хуызы æмæ цыфæнды уавæрты, кæцы баст у тæрхонгæнæджы статусимæ; тæрхондоны акттæ уыдзысты æхсæнадон информацийы хуызы алы цымыдисгæнæг адæймагæн дæр, кæронбæттæн тæрхондоны уынаффæ барадон тыхы куы бацæуа, уый фæстæ; Гæнæн уыдзæн нарæг специализаци реализаци кæнын, куыд фыццаг æмæ дыккаг инстанцийы тæрхондæтты, афтæ дæр Уæлдæр тæрхондоны; къорд бынæтты тæрхонгæнджыты куысты æмгъуыд фæфылдæр вæййы; бæлвырдгонд цæуы Уæлдæр Тæрхондоны Сæрдары барты æмвæзад; Юстицийы Уæлдæр Советæн лæвæрд цæуы бар Сæйраг Тæрхондоны тæрхонгæнæгты нарæг специализацитæ сбæрæг кæнынæн; бæлвырдгонд цæуы деталон процедурæ Гуырдзыстоны юстицийы уæлдæр советæй тæрхонгæнæгæн зонадон кæнæ педагогон тыгъдады сæххæст кæнынæн, афтæ дæр тæрхонгæнæгæн «Коррупцийы ныхмæ тохы» закъонæй снысангонд льготæтæ исæгæн разыдзинад раттыны тыххæй.