Парламент Гуырдзыстоны ныхасы æмæ ныхасы сæрибардзинады фæдыл закъоны æмæ Гуырдзыстоны æмбæстагон процессуалон кодексмæ ивæндзинæдтæ æртыккаг бакастæй райста, тагъдгонд уагæй.

Ивæндзинæдты фарс рахæцыдысты 83 депутат.

Ныхасы æмæ ныхасы сæрибардзинады фæдыл закъонмæ ивæндзинæдтæ хауынц сæрмагонд гоймаджы æмæ æхсæнадон архайæджы æгад кæнынимæ баст фарстытæм. Сæрмагондæй, фæбæлвырддæр ис диффамацийы дефиници, кæцымæ гæсгæ диффамаци у ахæм хъусынгæнинаг, кæцыйы мидæг ис материалонæй мæнг факт æмæ зиан хæссы адæймаджы репутаци.

Уымæй уæлдай ма, тæрхондоны æрдыгæй æвæрд æмгъуыд, цæмæй фарсытæ æрбæстон кæной æгадгæнæн быцæудзинад, фæкъаддæр вæййы 10 бонмæ, ныртæккæйы 1 мæйы æмгъуыды бæсты.

Ныртæккæйы уагæвæрдмæ гæсгæ, барадон быцæуы цауы, бæлвырдгæнæнты уаргъ æвæрд цæуы æрдомæгыл, ома, уыцы адæймагыл, кæцыйы тыххæй æрцыд хъусынгæнинаг, кæцыйы ис материалон æгъдауæй мæнг факт æмæ йæ репутаци зианхæссæг. Ивæндзинæдтæм гæсгæ, хъастгæнæджы бæсты аххосджын, куыд æфхæрды автор, хæсдзæн тæрхондоны сбæлвырд кæныны уаргъ, цæмæй йæ фидиуæны хъастгæнæджы тыххæй материалонæй мæнг факт нæй.

Ивæндзинад нæ баххæсдзæн уыцы хъуыддæгтæм, кæцыты тæрхондонмæ хъаст бадæттой ацы закъоны райсты размæ, æмæ сæ процесстæ хъуамæ æххæстгонд æрцæуой, ацы закъоны райсты агъоммæ цы процедурæ уыд йæ тыхы, уымæ гæсгæ.