Гуырдзыстоны паддзахадон  æдасдзинады  куысты контртеррористон центр,  уагъд оперативон æмæ фæдагурæн мадзæлтты  фæстиуæгæн, террористон  фыдракæндыл цæугæ   фæдагуырды фæлгæтты, Гуырдзыстоны дыууæ æмбæстагы æрцахста.

ПÆК-ы  информацийæ,  паддзахадон æдадсзинады  куыст  специалон операци Гуырдзыстоны  дыууæ регионы цыппар локацийыл ауагъдта.

«Фæдагурæн мадзæлтты фæстиуæгæн ист уыдис  тырысатæ террористон  организаци «Исламы Паддзахады»  символикæимæ æмæ æндæр   типы   электронон    информацийы  хæссæг   мигæнæнтæ.  Уыимæ,  æрцахстуæвджыты  цæрæн хæдзæрттæ   ист у   хæстæрмæг,  рæмудзæн  гарзæгтæ  æмæ  буарадтæ», – хъусын кæнынц  ПÆК-ы.