Гуырдзыстоны прокуратурæ паддзахадон æдасдзинады куысты коррупцийы ныхмæ уагдоны кусæгы мæлæты фæдыл фæдагуырд райдыдта. Уый фæдыл информаци Гуырдзыстоны прокуратурæ парахат кæны.

Уагдоны информацийæ, кусæг Хашуры йæ хæдтулгæйы мардæй ссардтой, йæхи æхсты фæстиуæгæн.

«Шида Картлийы æмæ Мцхета Мтианеты районы прокуратурæйы фæдагуырдон департамент, уголовон кодексы 115 статьямæ гæсгæ, Паддзахадон æдасдзинады куысты антикоррупцион уагдоны кусæджы мæлæты фæдыл фæдагуырд райдыдта.

Коррупцийы ныхмæ тохгæнæг уагдоны кусæг Хашуры Табидзейы уынгыл абон йæ хæдтулгæйы мардæй ссардтой, йæхи æхсты фæстиуæгæн. Цæуынц æмбæлон тагъд фæдагурæн мадзæлттæ», -ис фыст прокуратурæйы парахатгонд информацийы.