Ноджы иу адæймаг, кæцыйы ПÆК шпионажы аххосагæй ахста, у журналист Ираклий Чихладзе. Информаци бæлвырд кæны паддзахадон æдасдзинады куысты.

Чихладзе Ираклий у Кавказы адæймагы барты институты директор, æмбæстагон байхъуыстыты Кавказы центры уæнг, профцæдисты Цхинвалы регионалон центры правленийы уæнг, ассоциаци «Текали»-йы бындурæвæрæг.

ПÆК-ы уагъд брифингы куыд загътой, афтæмæй ахстгонд, йæхи бæстæйы интересты ныхмæ, системон æгъдауæй райста æмæ æрвыста развæдсгарæн информаци фæсарæйнаг сæрмагонд службæтæм журналистон, экспертон æмæ æндæр профессионалон цирчы сæрмагонд контактты фæрцы, фæсарæйнаг сæрмагонд службæты интерестæм гæсгæ. Уагдоны информацийæ, ахстгонды æрдыгæй ахæлиугонд информацийы уыд цымыдисон бæрæггæнæнтæ Гуырдзыстоны æмæ сыхаг бæстæты цæугæ процессты фæдыл. Уымæй уæлдай ма, уагдоны  куыд банысан кодтой, афтæмæй уый эксплуатаци кодта развæдсгарæн хызæг онлайн-платформæйы æмбæрзæны бын, стæй ма дих кодта сæрмагонд лæггæдтæй райсгæ фæрæзтæ хызæджы уæнгты æхсæн.