Националон-Демократон институт (NDI) разæвзарæнон æхсæнадæмон цæстдарæгон миссийы фæлгæтты, бæрзонд æмвæзады фембæлдтæ райдайы. Уый фæдыл информаци хъусын кæны NDI.
«Мисийæн йæ нысан у Гуырдзыстоны демократон райрæзты æмæ Гуырдзыстоны цæрджыты европаг мæ евроаталнатикон интеграцийæн фарсрахæцын конструктивон рекомендацитæ раттыны фæрцы. Уыимæ ма, æвдисы æхсæнадæмон дзыллæйы æнхъæлц, ома æвзæрстыты процессы баст алы субьект демократон æвзæрстыты æмæ политикон процессты алы принцип бахъахъхъæндзæн», – хъусын кæнынц националон-демократон институты.
Афтæма сæ хъусинагæй, фембæлдты фæуды фæстæ NDI-ы делегацит разæвзарæнон уавæрæн аргълæвæрды сæйраг хатдзæгтæ хыгъдлæвæрды хуызæй публикаци скæндзæн.
19-23 февралы NDI-ы делегаци æвзарæнон процессы баст æндæр æмæ æндæр фарсимæ бæрзонд æмвæзады фембæлдтæ ауаддзæн. Фембæлдтæн къухдариуæг кæндзысты: Швецийы раздæры фæсарæн хъуыддæгты министр Анн Линде; Гуырдзыстоны Евроцæдисы делегацийы раздæр къухдариуæггæнæг Пер Эклунд; паддзахадон департаменты демократийы, адæймажэы барты æмæ фæллойады бюройы паддзахадон нымæрдары раздæры æххуысгæнæг Майкл Познер; Сенаты фæсарæн хъуыддæгты комитеты сæрдары кабинеты закъондæттæн æмæ политикæй аналитик Дэниел Готфрид; NDI Евразийы регионон директор Ева Бужа æмæ NDI-ы æвзæрстыты программæты глобалон директор Ричард Клайн. Фембæлдтыл афтæдæр уыдзæн NDI Гуырдзыстоны офисы директор Аллан Гилам.
Фондз боны дæргъы делегаци фембæлдзæн хицауады, политикон партиты, æмбæстагон секторы, медиайы æмæ дипломатон корпусы минæвæрттимæ.
«Делегацийы уæнгтæ 2024 азы парламентон æвзæрстыты размæ, иуæмйаг политикон уавæры æмæ уыцы фактортæн скæндзысты аргъ, кæцытæ гæнæн ис, æндæвдад скæной разæвзарæнон процесстыл. Делегаци афæлгæсдзæн ахæм нысаниуæгджын темæтæ, цахæмдæр сты: æвзарæнон администраци, æмбæстæгты бастдзинад, гендер æмæ инклюзийы темæтæ, политикон партитæ æмæ кампанийы процесс.
Фæнысангонд фезмæлдтæ NDI-ы разæвзарæнон цæстдарæгон процессы фыццаг фазæ у. Фæнысангонд процесс, уæлæмхасæй, дыккаг разæвзарæнон делегацийы, дæргъвæтин цæстдарджыты къорды æмæ æвзæрстыты боны цæстдарæгон делегаци дары йæ хъыдыйы.
NDI-ы разæвзарæнон цæстдарæгон мисси Гуырдзыстоны закъондæттынады æмæ æвзæрстытыл æхсæнадæмон цæстдарынады принципты фæдыл декларацимæ æмбæлгæйæ сыххæст уыдзæн. Программæ финансгонд у АИШ-ы æхсæнадæмон райрæзты агентады (USAID) æрадгæй æвзæрстыты æмæ политикон роцессты стынг кæныны консорциумы (CEPPS) фæлгæтты»,- фæнысангонд у NDI-ы информацийы.