НАТО-Гуырдзыстоны ахуыртæ 2025-æмы  фæлгæтты, НАТО-йы стандарттæм гæсгæ ифтонггонд 1-æм фистæг бригады медицинон ротæ Вазианийы ахуырадон базæйыл демонстрацион ахуыртæ сарæзтой.

Ахуырадон сценариймæ гæсгæ, цæф æфсæддонтæ эвакуацигонд æрцыдысты быдырон госпитальмæ (ROLE2F) сæрмагонд транспорт – «Дидгори»-æй, лæвæрд сын æрцыд фыццаг æххуыс æмæ уый фæстæ госпитализаци.

Хъахъхъæнынады министрады куыд банысан кодтой, афтæмæй быдырон ахуырты сæйраг нысан уыд æфсæддон медперсоналы профессионалон дæсныдзинад фæбæрзонддæр кæнын, кæцы сифтонг кæндзæн тактикон уавæрты дæлхайæдтæн эффективон медицинон æххуыс.

НАТО-йы медицинон эксперттæ 1-æм фистæг бригады медицинон ротæйы æрвыст быдырон госпиталы (ROLE2F) эксплуатацимæ бакастысты.