Гуырдзыстоны Националон банкы президенты хæстæ æххæстгæнæг Натиа Турнава Гуырдзыстоны Евроцæдисы минæвар Павел Герчинскиимæ фембæлдис Националон Банкы сæйраг офисы.
Националон банкы пресскуысты хъусинагæй, ныхас уыд бæстæйы уæвæг экономикон тенденцитыл, финансон стабилондзинады фарстатыл æмæ Евроцæдисимæ æмгуыстады фæлгæтты сыххæст проекттыл.
«Наутиа Турнава деталонæй фæныхас кодта уыцы фæдфæдон къахдзæфтыл, кæцыты ГНБ æхсæнадæмон сакциты сæххæсты æмæ мониторингы æрдгæй сарызта. Гуырдзыстоны финансон институттæ архайынц Уæрæсейы Федерацийы æмæ Белорусы Республикæйæн уагæвæрд санкцитæм æмбæлгæйæ.
Фембæлдыл банысан ис Европæйы Реконструкцийы æмæ Райрæзты Банкы (EBRD) æмæ Евроцæдисы фарсхæцыны нысаниуæг Гуырдзыстоны капиталы базары райрæзты æрдгæй», – дзырдæуы Националон Банкы пресскуысты ахæлиугонд информацийы.
ГНБ-ы банысан кодтой, цæмæй Натиа Турнава Евроцæдисы минæваримæ ныхасы йæ хъусдард раздæхта Гуырдзыстоны евро-фидтонты иуугонд тыгъдады (SEPA)-ы райсты фарстамæ æмæ уыцы закъондæттæн ивддзинæдтæм, кæцыты фæрцы Гуырдзыстоны закъондæттынад Евроцæдисы закъондæттынадмæ ноджы фылдæр баввасх уыдзæн.
«Гуырдзыстон регионы фыццаг бæстæ у, кæцы еврофидтонты тыгъдады уæнгсуæуыны фæндоны фæдыл райхъусын кодта. SEPA-ы уæнгдзинад Европаг бинонты уæнгдзинады нысанмæ нæ ма иу къахдзæфæй баввахсдæр кæндзæн. Уый нысаниуæгджынæй райрæзын кæндзæн Гуырдзыстоны финансон секторы æууæнкджындзинад æхсæнадæмон аренæйыл æмæ йæ къух сараздзæн европаг экономикон зонæимæ базарадон ахастытæ фенцондæр кæнынæн. Евроцæдисы фарсхæцынæй сæххæст проекттæ ахъаззаг сты ГНБ-ы цæстдарæгон инструментты фæхуыздæр æмæ стыхджын кæннæн, кæцы йæхи æрдгæй Гуырдзыстоны финансон секторы стабилондзинад æмæ æргомдзинад сифтонг кæндзæн», – райхъусын кодта Натиа Турнава.