2024 азы инфляци баззад стабилон ныллæг æмвæзадыл, астæуккаг нымадæй 1,1 проценты. Сæйраг инфляци, кæцы хæлцады, энергийы æмæ тамакойы тынг æнæивгæ æргътæ нæ нымайы фæлхасгæнæг чырынæй, астæуккагæй 1,6 проценты уыд – уый фæдыл  Натиа Турнава 2024 азы активондзинады хыгъдлæвæрд Гуырдзыстоны парламенты бавдисгæйæ загъта.

Йæ ныхасмæ гæсгæ, ныллæг инфляцийы уавæр сæйраджыдæр уыд мидæггагон экономикон факторты аххосæй.

«Националон Банчы æмбæлон æхцайы политикæйы фæстиуæгæн, æргъты стабилондзинад ифтонггонд æрцыд, æмæ инфляцийы æнхъарæнтæ сты нысангонд диапазоны. Уымæй уæлдай ма, экономикæйы æмтгæйон рауагъды потенциалы фæхуыздæр цыдæр æгъдауæй фæрогдæр кодта инфляцион æлхъывдад, кæцы æвзæры тыхджын æмтгæйон æркуырдæй. уыд ахъаз ныллæг инфляцийæн», — загъта Натиа Турнава.

Йæ ныхасмæ гæсгæ, инфляцион æнхъарæнты стабилизацийы фæстиуæгæн, Гуырдзыстоны националон банкъ æхцайы политикæйы нормализаци райдыдта æмæ 2024-æм азы фыццаг æмбисы ставкæ 1.5 процентон пунктæй 8.0 проценты онг фæкъаддæр кодта.

Турнавайы ныхасмæ гæсгæ, афæдзы дыккаг æрдæгæй фæстæмæ, глобалон рискъты рæзты фоныл, Националон Банкъ къæрцхъус ахаст равзæрста æмæ æхцайы политикæйы ставкæ æнæивгæйæ ныууагъта.