Премьер-министры къухдариуæгæй  националон  æдасдзинады советы  фыццаг рабадт  абон сырæздзæн.

Хицауады администрацийы   пресс-куысты   информацийæ,   националон  æдасдзинады советы нымæрдары  функци   лæвæрд æрцыд  Гиорги Гахариамæ.

«Гуырдзыстоны премьер-министры   Мамука Бахтадзейы  къухдариуæгæй, абон фыццаг майы,  12:00 сахатыл  сырæздзæн националон   æдасдзинады  советы рабадт.

Хицауады сæргълæууæгы  бардзырдæй,  националон  æдасдзинады  советы  нымæрдары  функци лæвæрд æрцыд  вице-премьер,  мидхъуыддæгты министр  Гиорги Гахариамæ.

Бардзырд премьер-министр, «Националон æдасдзинады политикæйы  сплан кæныны æмæ  координацийы  уагы  фæдыл»,  Гуырдзыстоны  закъонмæ æмбæлгæйæ   рауагъдта.

Националон æдасдзинады  совет 8 уæнгæй  уынаффæгæнæг  оргæн у,  кæцыйæн къухдариуæг кæны премьер-министр.

Советы иугæндзон уæнгтæ сты  мидхъуыддæгты министр,  хъахъхъæнынады,  фæсарæн хъуыддæгты æмæ  финансты министртæ,   паддзахадон æдасдзинады æмæ басгарæг  куыстыты  къухдариуæггæнджытæ  æмæ  хъахъхъæнынады  тыхты  сæргълæууæг.

Совет ифтонггонд у  стратегион æмвæзадыл националон  æдасдзинады политикæйы  сплан кæныны æмæ  координацийы мандатæй», – хъусын кæнынц   хицауады   администрацийы  пресс-куысты.