Музыкант, зарæггæнæг, фыссæг, нывгæнæг æмæ актрисæ Манана Менабде йæ цардæй ахицæн. Информаци бинонты хæстæджытæ парахат кæнынц.

Манана Менабде райгуырд 1948 азы зарæггæнджыты бинонты, Ишхнелы хотæ. Йæ карьерæйы райдианы гастрольты цыд оркестр «Рерос»-имæ концерттимæ.

Музыкант хъусджытæн бавдыста уникалон интерпретаци гуырдзиаг, уырыссаг æмæ европæйаг зарджытæн, романсæн æмæ композицитæн.

Манана Менабдейы музыкалон уацмыстæ фыццаг хатт фехъуыстысты гуырдзиаг режиссер Лана Гогоберидзейы киноныв «Æхсæв фæцис»-ы, кæцы 1982 азы Канны кинофестивалы аудиторийы преми рамбылдта. Кинонывы Манана Менабде зарыд йæхи зарджытæ æмæ ахъазыд сæйраг рольтæй иуы. Музыкант 1986 азы райста сæйраг роль музыкалон героикон эпосы, Хатискаты Нанайы æмæ Магъалашвили Тенгизы киноныв «Арсенайы æмдзæвгæ»-йы, цы ран ахъазыд Арсенайы (Ладо Бурдулийы) мады фæлгонц. 1991 азы Хатискаты Нана ногæй сæвæрдта зарæггæнæджы режиссер аивадон киноныв «Мудрость лжи»-йы.

Манана Менабде гуырдзиаг фолк-джазы къордтæ «Шин» æмæ «Адио»-имæ æмгуыстад кодта.

Уыд Гуырдзыстоны радио æмæ телеуынынады музыкалон редакцийы директор.