Коалици «Тыхджын Гуырдзыстон – Лелойы» иуæй-иу лидер, Александре Елисашвилийы ахст æрцыд  абон райсомæй Тбилисы горæтон тæрхондоны канцелярийы бæстыхайыл арт бандзæрын   куы бахъавыд. Ай фæдыл информаци мидхъуыдтæгты министрад парахат кæны.

«Фæдагуырд бæлвырд кæны, цæмæй ацы азы 29-æм ноябры, сæумæрайсомæй, Александре Елисашвили, Тбилисы горæтон тæрхондоны канцелярийы бæстыхайы æддаг фасады рудзынгæй, дзæбугæй ныппырх кодта, тæрхондоны канцелярийы мидæмæ бацыд, цы ран периметрыл бензин ныккалдта, се æхсæн канцтовартæ, кусæнгæрзтæ, документаци, бафæлвæрдта бæстыхайы басудзын.

Бынатыл æй æрцахстой тæрхондонон  приставы службæйы бæрнонтæ, кæцытæн Елисашвили ныхмæ лæууыд, йæ къухы цы æхсæнгарз уыд, уымæй спайда кæнгæйæ. Ныхмæлæудмæ æнæкæсгæйæ, Александре Елисашвилийы тæрхондонон приставтæ бынатыл æрцахстой.

Ацы этапыл фæдагуырд  цæуы тугрæстдзинады кодексы 19-187 статьямæ гæсгæ» -ис фыст МХМ-ы расидæны.