Премьер-министры инициативæ ивæн терапийы программæйы фæдыл æххæстæй у актуалон æхсæнады хъуагдзинæдтæн. Уый у æнæдызæрдыгæй позитивон проект æмæ нæ дæтты бындур исты спекуляцитæн – – расидтис æнæнизхъахъхъæды министр, Михаил Сарджвеладзе.
Æнæнизхъахъхъæды министр премьер-министры инициргонд закондæттæн ивæндзинæдтæн дзуапп ратта, кæцытæм гæсгæ, сæрмагонд субъектты æрдыгæй субституцион терапийы программæты реализаци тобæгонд уыдзæн æмæ субституцион хоскæныны фæдыл паддзахад райсдзæн æххæст бæрн. Æнæнизхъахъхъæды министр куыд банысан кодта, афтæмæй иу æмбæстаг дæр, кæцыйæн хъæуы ивæн терапи, æнæ æмбæлон хоскæнынад æмæ лæггадæй нæ баззайдзæн.
Михаил Сарджвеладзе афтæ дæр фæныхас кодта сæрмагонд компаниты æрдыгæй психотропон препаратты импортыл тобæйы фæдыл, цæй фæстæ дæр сæрмагонд контролы бын медикаментты импорт æмæ уæй кæнын уыдзæн паддзахады иунæг прерогативæ.
“Психотропон хостæ кæй хъæуынц, уыцы пациенттæй иу дæр нæ баззайдзæн æнæ хостæй. Сæ дæттыныл уыдзæн карз контроль. Уымæй уæлдай ма, æппæт баст субъекттæ дæр уыдзысты карз контроль, цæмæй бæрæг коммерцион интерестæ ма æркæной фылдæр психотропон хостæй пайда кæнынмæ. Уырны нæ, цæмæй уый тыххæй арæзт æрцыд абсолютон раст структурæ, кæцыйæн æз æнæфæцудгæйæ æххуыс кæндзынæн»-расидтис Михаил Сарджвеладзе.