Абхазийы фæстæмæ раздахыны фæнд нæм ис. Цхинвалы кой нал кæнын, бирæ æнцондæр у.Уый тынг хуымæтæг пълан у – уый фæдыл Гуырдзыстоны раздæры президент, Михаил Саакашвили, абоны процессы дистанционæй хайад исыны рæстæджы расидтис.

Саакашвили куыд банысан кодта, афтæмæй Лазика уыдзæн æлвасæн центр.

«Мах хъуамæ саразæм Лазикы наулæууæн, арæзт æрцыд уазæгдæттæ, кæцытæ ныппырх сты.  Батумизаци сырæздзæн Сухумы æмæ сеппæтæй сæйрагдæр та, Евроцæдисы паспорттимæ абхазæгтæм баиу уыдзыстæм. Ис нын иувæрсыг хæс, кæцы райстон мæнæй 2010 азы, цæмæй Гуырдзыстон никуы спайда кæндзæн тыхæй территорион æнæхъæндзинад сног кæнынæн. Мах æй сабырадон æгъдауæй сараздзыстæм, змæстытæ нæ уадздзыстæм. Иванишвили йæхи цæттæ кæны Абхаз æмæ Хуссар Ирыстоны банымайынмæ, уый йын нæ рауайдзæн», -расидтис Михеил Саакашвили.

Саакашвили афтæдæр йæ раныхасы банысан кодта: «Аджарæйы сног кодтам æмæ Абхази дæр сног кæндзыстæм».